街頭戰線，議會戰線，國際戰線，曾經係反對派「搞革命」嘅三大戰線，不過隨著《港區國安法》實施加上警察嚴格執法，街頭戰線已經「玩完」；議會戰線，則因為反對派議員「集體總辭」而失去；至於國際戰線，就係反對派政客以至其支持者剩下來嘅最大寄望。今日《生果報》有篇題為《拜登政府的外交難題》嘅「蘋論」，內容似對美國新任總統拜登會否「抗中」唔多樂觀，咁係咪連《生果報》都想話俾大家聽，國際戰線「可以收工」喇？
值得細味的評論
《生果報》呢篇由方圓所寫嘅「蘋論」，相信代表到《生果報》嘅立場，綜觀其內容，大致可以用一句美國「抗中耍花槍 暴露底氣不足」嚟形容，例如寫到美國如果唔能夠扼止中央「侵擾」台灣，只是耍耍花槍；緬甸嘅事美國「僅有口頭譴責，無法扭轉局勢」；華為是否列入制裁名單，新政府官員顧左右而言他，顯示底氣不足的窘態」；評論指凡此種種，都唔係好跡象，「說明拜登外交政策舉步維艱」！
問題嚟喇，連《生果報》都覺得依家嘅美國或者美國總統「唔夠力」，咁香港班反對派政客，以至已經「走佬」話要打國際戰線嘅政客，仲可以依靠咩呢？廣男想講，特朗普係特朗普，拜登係拜登，特朗普喜歡「推至極端」甚至玩攬炒，咁唔代表拜登都會咁做，真正嘅從政者，每做一樣嘢之前，都要衡量下咁做係咪對自己國家好，如果打擊中國會打擊埋自己國家，特朗普或者會照做，但其他美國政要，就未必喇。
廢了武功的國際線
一直以嚟，無論係聲援定係出手制裁，美國政要、政客都係香港反對派嘅「強大後台」，依家美國「心有餘而力不足」，咁一班反對派政客，仲可以依靠啲咩？靠英國？英國係想借BNO吸人才、吸資金；靠加拿大？可能加拿大嘅盤算同英國接近；靠法國？法國講明唔跟美國「對付中國」。所以呢，反對派政客們可以放棄佢哋嘅「革命」，唔好再有咩幻想喇。
「抗爭到底」呢句話，放喺今日嘅世界，以至係有咗《國安法》嘅香港，都已經不再適用；如果仲有政客或者「走佬」政客喺度籌錢，話要打甚麼戰線，廣男覺得大家要同呢啲政客講句，「玩完喇，唔好再喺度呃錢」！
請Follow我們的YouTube頻道：https://bit.ly/2kgU8qg
下載我們的手機應用程式，收看第一手精彩內容：https://www.speakout.hk/app
評論