梁家傑日前信誓旦旦响鏡頭前話：「我梁家傑立此存照，我反對派香港獨立」，講果陣何等有型有款，如果大家咁就以為公民黨真係唔支持「港獨」？咁諗就大錯特錯喇，有啲人口裡說不，但被媒體專訪果時就變得好誠實既，好似公民黨果位响大學教政治既立法會議員陳家洛咁，受傳媒訪問既時候就擺明係「曲線撐港獨」，佢响今日刊出既專訪自爆自己原來成日上堂果時問學生：「有無想過有天早上醒來， 五星紅旗升不起，有無想像過歷史重擔要忽然落在他們身上」。嘩，咁講法，係唔係即係唔只撐「港獨」，仲要上堂果時「洗學生腦」呢？如果係既話，梁家傑真係要同佢傾下，統一下佢哋公民黨對「港獨」究竟係咩立場囉！

民主運動不能淪為推倒政權工具

唔止咁，原來陳家洛諗過做特首，理直氣壯咁話「如果你問我，有天可以做特首，做不做？做，一定做！」仲話美國三歲小朋友都會戲言長大後要做總統，呢個係民主運動成功既必要條件喎。咁講法，陳家洛既野心，真係一啲都唔細喎！但如果畀你做得到特首，咁「一國兩制」會點算？香港會點算？唔敢想像囉！

當香港既民主運動被引入歧途，淪為伺機推翻共產政權既工具，咁就只會為外力所用，令香港同內地生靈塗炭。

原圖：jmc.hksyu.edu