說起苦難，唔同人有唔同定義，有人認為香港被黑暴加疫情「雙重攬炒」，係令人最痛苦嘅苦難，亦有反政府人士認為政府推行不同法律，令港人「受苦」；凡事「哪裡有水抽，就往哪裡抽」嘅戴耀廷，今日喺《生果報》撰文講苦難，稱「由國安法所帶來的苦難，相信不會短暫，且是港人過去所未曾想過，竟會是那麼難受」，其實，如果無《港區國安法》，依家香港可能仲被黑暴運動所蹂躪，唔該戴耀廷唔好將啲嘢掉轉嚟講啦！

戴又顛倒是非

綜觀戴耀廷今次寫嘅「鴻文」，廣男覺得有兩點尤其值得注意，第一係據佢所講，《國安法》為港人帶來「苦難」，第二就係中央剝奪港人「自由、人權」；嗱，廣男覺得成件事好簡單，只要將戴耀廷嘅歪理用相反意思去解讀，事情就會相當容易理解。

講起《國安法》，喺未實施《國安法》之前，香港經歷咗足足一年嘅黑暴運動，期間暴徒「打砸搶燒」，政客喺議會內「拉布」想拖垮議會、喺議會外又縱暴同勾結外國勢力；就係因為中央果斷訂立《港區國安法》，黑暴運動之「火」得而熄滅，而勾結開外國或者境外勢力嘅政客，有啲宣布「唔玩」，有啲直頭潛逃海外。廣男想講，《國安法》無令港人受苦，而係有效止暴制亂，令香港得以重回正軌。

至於所謂「自由、人權」問題，廣男想大家唔好俾戴耀廷以至其他攬炒派政客偷換概念，香港市民有自由同人權係一回事，但有自由同人權，唔代表可以犯法，包括「打砸搶燒」、非法集結、暴動、勾結外國勢力以至搞「港獨」等等；戴耀廷由2013年開始就「硬銷」違法達義，但達義與否係一回事，重點係違法！喺香港以至其他法治社會，無人有違法嘅自由同人權！

如果沒有違法達義

作為違法達義嘅始作俑者，又鍾意成日「設想」問題，戴耀廷有冇諗過，如果唔係佢當初不斷教人犯法，今日香港都未必會變成咁？最後，當戴耀廷喺度散播「希望之火」時，廣男想講，其實佢係散播緊抗爭、反政府之「火」，仲信戴耀廷？攬炒派政客同支持者仲唔夠衰咩？！ 

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk