由噚日到依家，網絡上流傳得最廣泛嘅一句笑話，就係「如果人事部炒我 我就即刻遞信辭職」，以瘋狂地嘲笑攬炒派政客話如果人大常委會DQ佢哋任何議員，佢哋就會「義無反顧集體總辭」；當中嘅矛盾，大概係在於如果人大常委會出手先，攬炒派就唔係總辭，而係被辭或者被逼辭。其實喺呢個時候，攬炒派最關心嘅依然係佢哋嘅議席同人工，老實講，廣男係「明白」嘅，呢份「堅持」，難能可貴呀！

嘲笑之聲 此起彼落

噚日廣男特意留意到攬炒派媒體嘅平台留言，發現攬炒派嘅支持者，原來絕大部分都喺度嘲笑緊佢哋，當中有幾個留言，廣男覺得唔同大家分享對唔住大家：

我笑了，3次投票，民意叫佢地辭職，佢地死都要留係立法會，到而家阿爺可能炒佢地，佢地就話炒左我，我就辭職，乜而家公司話炒人，員工乜有得唔走咩？辭乜職啫

你阻到大灣區投票我裸跑、跪低叫你亞哥都仲得

研總辭????人地炒你你先嚟話辭職呀???

其實，網民們甚至係佢哋「支持者」們，心水都非常清，睇得出佢哋到依家最想嘅，唔係「義無反顧集體總辭」，而係仲係想保住議席、保住份糧，點解會咁？無它嘅，因為立法會議員嘅薪酬待遇太吸引，每月人工十萬元，每年辦事處開支津貼最少有270萬元，加加埋埋，一個議員嘅人工、津貼等有成400萬元，400萬元喎，足以令攬炒派議員放棄「原則」，之前大部分市民想佢哋離任，又如何？錢先係王道呢！

一邊出糧 一邊搞事？

所謂守住議會、抗爭到底、抵擋「惡法」，根本上統統都只係政治口號，如果真係要抵擋「惡法」，點解唔係戰至最後「一兵一卒」？其實說穿了，就係佢哋知道就算今次可以留低，佢哋嘅惡行都足以招致被DQ，所以先有「如果你炒我，我就辭職」嘅笑話。廣男坦白講，世上無免費午飯，亦唔應該有一份工係「高人工而齋搞事」，攬炒派嘅舊有思維，係時候摒棄喇。

喺廣男讀緊大學嘅時候，對政治、時事「一知半解」，當時就有教授同廣男講過，政治係互動嘅；今日廣男用返呢句話，即刻諗到嘅係攬炒派可以搞政府、搞中央，中央同你哋「互動」下，好合理！溫文啲講，「來而不往非禮也」！ 

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk