幾個月前，有朋友專登喺Whatsapp分享一單關於加納嘅新聞俾囍雨睇，內容係一名漁類加工廠工人喺感染新冠病毒之後，將病毒傳染俾該廠533名工人，當時連加納總統都公開提及事件；由此觀之，就算只係某個地方有一、兩個人感染新冠肺炎，後果都絕對可以係災難性嘅，喺呢個前提底下，點解仲有政客或者媒體刻意去質疑本港全民檢測嘅成效？係咪唔夠多隱形患者透過全民檢測被搵出嚟，就代表全民檢測無用呢？

量化檢測 異常危險

今日囍雨「如常」地睇《生果報》，見到其中一篇題為《大龍鳳僅揪出11個案 比率0.0025%》，稱截至周六完成咗普及社區檢測（全民檢測）嘅樣本有接近44萬，但「僅錄得11宗個案經計劃發現，比率僅0.0025%」，又引述立法會議員張超雄稱「計劃效益低，應集中資源為院舍員工等高危群組化驗」。成效低，咁係咪無用？以個案數目量化全民檢測效果，又係咪好呢？

誠如囍雨喺上文所講，一個新冠肺炎個案，可以傳染數十人甚至過百人，如果反政府政客、媒體係都要攞個案數目嚟做文章，囍雨首先要問佢哋，11個案，可以傳染到幾多人？而被傳染嘅人，又可以再傳染幾多人呢？呢條數可能多到「計唔到」，《生果報》用0.0025%嚟質疑全民檢測，但囍雨必須要講句，要阻截新冠肺炎嘅傳播鏈，條數唔係咁計囉！

至於張超雄稱政府應該將資源為高危群組檢測，甚至「每七日驗一次」，針對高危群組做檢測，囍雨唔反對，但各方人士應該留意一點，就係新冠病毒唔單止會喺高危群組之間傳播，非高危群組一樣有機會受到感染。打個譬如，就算政府喺高危群組方面檢測到「銅牆鐵壁」嘅地步，但社會其他隱形患者繼續播毒，佢哋一樣可以將病毒傳返俾例如老人家嘅高危群組。或者張超雄講得啱，「檢測陰性的人士事後亦可能中招，無法完全找出所有隱形患者」，但無法完全搵出患者，唔等於政府唔駛積極做嘢。

重點是要找出隱形患者

簡單而言，政府推出全民檢測計劃，就係要搵出社區入面嘅隱形患者，當反對派嘅政客同媒體諸多質疑時，囍雨想問一句，對於要搵出隱形患者，佢哋有咩高見？如果政府唔做多啲嘢，佢哋又會唔會「任搬龍門」，譴責政府不作為？攻訐開政府嘅人同媒體，永遠都係「公我贏，字你輸」的。 

圖片來源：RTHK

請Follow我們的YouTube頻道：

https://bit.ly/2kgU8qg

下載我們的手機應用程式，收看第一手精彩內容：

https://www.speakout.hk/app

瀏覽我們的IG：https://www.instagram.com/speakout_hk/?hl=zh-hk