講攬炒派係咪會延任立法會議員嘅問題，其實講嚟講去，就係攬炒派想保住議席，但又唔想做到咁「肉酸」，有議席在身嘅，就講得避忌啲，最多話傾向延任，無議席嘅攬炒派政客，明顯就講得放好多喇，例如民主黨前主席何俊仁，講到明唔會俾抗爭派「綁架」；今日囍雨睇新聞，見到攬炒派元老李柱銘，都撰文表態，更稱「既然政府押後選舉，立法會任期延長，民意授權亦因而延長，該現任議員的選民肯定不會希望他們自動消失」。呢句說話，如果唔知邊個講，囍雨仲以為係建制派講嘅添，嗱，依家香港嘅「民主教父」都咁講呢。
李柱銘說三道四 也是為延任「背書」
李柱銘呢篇題為《面對高牆的24隻民主雞蛋》嘅文章，囍雨綜合成篇文，無論係李柱銘話「現實情況並不容許該初選落敗的現任議員，退位讓予初選勝出者，難道任由議席出缺，才是符合民意授權？」、「民主陣營議員總辭，並不會是它們（外國政府）加大施壓力度的原因」以至「面對高牆的24隻民主雞蛋，你們根本沒有退下來的選擇」等等，其實講咁多，都係想支持攬炒派議員延任啫。既然道理咁清楚明白，點解攬炒派班議員除咗朱凱廸、陳志全，其他想延任嘅議員（唔計鄭松泰），仲唔清晰地做決定？
對於延任立法會議員，呢件事本來完全無問題，因為疫情而押後選舉，係無奈之舉，最簡單、直接嘅做法，就係現任議員延任一年；不過，囍雨覺得攬炒派最肉酸嘅，就係一邊批評押後選舉，甚至批評做法「有違」《基本法》，但一邊又要為議席、為錢想留低。這一種「你唔啱，好唔啱，但為咗錢我配合你」嘅做法，唔係肉酸係咩呢？
國際社會不會關心總辭
不過，囍雨公道啲講，有一點李柱銘係講得啱的，就係外國政府未必會因為攬炒派總辭而施壓；在李柱銘角度，外國官員／政客會覺得莫名其妙，在囍雨角度，就係所謂「核彈」，一直都只係攬炒派自己講嘅啫。如果真係想有核彈級表態，囍雨建議，攬炒派立法會議員、區議員一齊辭職，咁樣個炸彈應該會「大少少」。
請Follow我們的YouTube頻道：
下載我們的手機應用程式，收看第一手精彩內容：
評論