對於攬炒派立法會議員係咪接受要延任多一年議席，雖然攬炒派不斷表示要「商討」下先，但「民主派會議召集人」陳淑莊，已經發新聞稿話「大多數議員傾向留守議會戰線」，又指佢哋會「繼續商討，盡量求同存異、尋求共識」。囍雨唔明白，攬炒派果邊唔係話已經有民研機構就去留問題做民調咩？民調都未出，咁快就話「傾向留守議會」？咁樣唔似攬炒派「扮民主」嘅作風，但今日囍雨睇新聞見到攬炒派「金主」、「黨鞭」黎智英一番話，囍雨感覺到，攬炒派可能已經開始歸邊喇！
黎智英的「訓示」
為免喺引述上有咩誤會，囍雨先喺度原文節錄黎智英喺《生果報》講咩，等大家參考下：
壹傳媒創辦人黎智英接受本報查詢時指，立會選舉延遲一年，現任議員為民請命的責任相應也伸延一年，議員未來一年必須肩負擋住惡法通過的責任，決定去留是在任議員責任，若完全按民調決定，「恐怕只是推卸責任的手段」；一旦決定總辭，則是抽空了阻擋惡法通過制衡力量，讓惡法通過損害選民利益，現任議員難辭其咎，故現沒有考慮總辭空間。他指，雖然未必一定擋到所有惡法：「都惟有頂硬上繼續履行在議會內擋住惡法的責任。」
縱觀黎智英嘅說法，就係現任議員（應該係講攬炒派）應該延任一年，要喺議員內「擋住惡法」，如果用民調決定，只係「推卸責任嘅手段」，仲話總辭令「惡法通過」嘅話會損害選民利益，要「頂硬上繼續履行在議會內擋住惡法的責任」。簡而言之，就係黎智英想攬炒派議員留任啦！
之前已經有分析講過，失去黎智英嘅攬炒派，就有如一班「群龍無首」嘅政客，依家黎智英成功保釋出嚟，不可能不搞局，主流攬炒派亦不可能不「聽命」於佢，所以依家出現民調結果未有，但攬炒派已經表明「傾向留守議會」，完全係意料之中！而黎智英講到好似唔駛跟民調做決定咁，說穿了，其實正正反映咗攬炒派嘅虛偽，有需要時，就攞民意嚟做自己擋箭牌，唔想跟民意果時，就話睇民調係「推卸責任嘅手段」，呢啲正正係「輸打贏要」！
民調會否變成裝飾品？
喺黎智英嘅大力「訓示」下，相信「無論」民調結果如何，主流攬炒派都會選擇留下；更何況，所謂民調由同攬炒派友好嘅「香港民意研究所」進行，會得出咩結果，可能都喺攬炒派嘅「掌握之內」。
請Follow我們的YouTube頻道：
下載我們的手機應用程式，收看第一手精彩內容：
評論