人，最緊要係咩？梗係食飯啦！所以攬炒派議員、政客為咗議席同錢有幾醜惡，廣男一直都覺得係「人之常情」；不過，如果做得太over，咁就會成為笑柄，比其他人批評太貪心。好似前香港眾志秘書長黃之鋒咁，佢日前喺社交媒體發文，上載英國媒體BBC嘅採訪片段，形容被跟蹤令他「切身體會到何謂白色恐怖」；不過，呢個唔係重點，重點係原來佢想講「人身安全已受影響，故決定聘請專業保鑣及司機，減少被跟蹤及遇襲的可能」、「由於額外開支不菲，現開設Patreon頻道，還望大家多多支持」。講真，攬炒派求人供養都算啦，黃之鋒仲想請保鑣同司機？會唔會貪過籠呀？
沒有最貪 只有更貪
對於黃之鋒嘅要求，廣男只能夠講句「沒有最貪，只有更貪」，因為佢認為有人跟蹤佢，所以要「聘請專業保鑣及司機」？咁如果他日黃之鋒又認為自己有需要，係咪要人供養佢住大屋先？又或者，會唔會因為「反中事業」好講包裝，所以佢需要過富豪生活，以便同外國勢力、富有勢力交流呢？
香港眾志的錢在哪兒？
講開錢，其實有一筆帳香港人都未同黃之鋒計清楚，喺「港區國安法」公布前，當時作為香港眾志秘書長嘅黃之鋒，突然宣布退出香港眾志，然後香港眾志大約隔咗一日就宣布解散；有媒體已經統計過，過去兩、三年香港眾志至少籌款數百萬元，依家眾志解散咗，咁啲錢呢？眾志唔駛交代？身為前秘書長嘅黃之鋒，又唔駛交代？
所謂「舊債未清，新債免問」，黃之鋒之前管理嘅香港眾志唔好話帳目不清，連帳目都無就解散，依家想人供養佢，仲要包保鑣同司機，好明顯係太過分！廣男有朋友笑言，其實黃之鋒想有人保護，好簡單啫，過去一年，咁多黑暴新血，個個勇武，有啲仲敢掟磚頭同掟汽油彈，黃之鋒大可以公開招募「義士」免費做佢保鑣，套用返攬炒派支持者嘅說法，黃之鋒為香港「做咗咁多嘢」，安排返一百幾十個「義士」保護佢，再搵人做佢義務司機，「好合理」啫！如果有攬炒派支持者有豪宅，送間俾黃之鋒住，都「唔過份」喎！
圖片來源：大公報
請Follow我們的YouTube頻道：
下載我們的手機應用程式，收看第一手精彩內容：
瀏覽我們的IG：https://www.instagram.com/speakout_hk/?hl=zh-hk
評論