聽聞，《壹傳媒》老闆黎智英嘅「頭馬」、近身隨從Mark Simon已經離開香港、依家「常駐」台灣？話說香港電台有個叫《Backchat》嘅節目，今日傾到「港區國安法」嘅話題時，連線嘅採訪對象就係呢位Mark Simon。

狡兔三窟的Mark Simon

根據報道，此君喺對談之間，聲稱自己喺台灣同美國都有業務，每年通常得5個月喺香港，其他時間「可能在台灣」。佢仲好坦白咁話，自己喺香港有住宅，喺台灣都有個「安樂窩」（I have a very nice place in Taiwan）。聽到呢段對話，廣男腦裡面浮現一個形容詞：狡兔三窟！

如果報道屬實嘅話，廣男諗番轉頭，呢位Mark Simon幾時離開香港？點樣離開？呢一刻身處何地？簡直可以話係神不知鬼不覺；尤其如果佢喺疫情封關措施之下，都可以來去自如，可見更加「唔簡單」。講到呢度，廣男又簡單同大家講講此君何許人也。

根據香港媒體嘅報道，Mark Simon嘅爸爸曾經任職美國中情局長達35年，而佢自己亦都曾於美國海軍情報局任職，簡單嚟講，就係有從事情報工作嘅背景；而近幾年，佢最受香港媒體關注嘅，就係同香港攬炒派政客涉嫌收受黎智英「政治獻金」有好大關聯。

逃亡的年輕人 又能如何？

講咁多，係想話俾大家知，所謂「著草、逃亡」，從來只係冇頭冇面嘅小卒命運；至於好似Mark Simon咁「有身份」嘅，叫「業務、安樂窩」；佢嘅身份，就係最有用嘅保護傘。但廣男又要問下，你有安樂窩，咁其他果班被你哋害到著草、逃亡台灣嘅年輕人，又點？！係「屈」喺一間只可以容納18個顧客嘅茶餐廳打黑工？定係租間食西北風嘅蝸居賣下書？抑或成世漂泊異鄉、居無定所，過住唔見得光嘅日子？

一條「港區國安法」，即使未有條文，都已經幫大家「篩」出邊啲係身有屎或者心有屎嘅人，除咗黎智英想走又走唔到之外，廣男仲聽聞人稱「燒山」嘅蕭若元亦都已經去咗台灣，「時事評論員」、反對派「大腦」劉細良據報又疑已遠飛加拿大…原來，有起事上嚟，呢啲曾經「講就天下無敵」嘅反政府理論提供者，第一個縮、第一個逃，廣男就話，最唔抵嘅，睇嚟就係果班聽佢哋煽惑而去違法、要逃亡、甚至賠上前程嘅後生仔女。棄卒們，醒下喇！

原圖：網絡

請Follow我們的YouTube頻道：<p><a href="https://bit.ly/2kgU8qg" target="_blank">https://bit.ly/2kgU8qg</a><br></p>

下載我們的手機應用程式，收看第一手精彩內容：

<p><a href="https://www.speakout.hk/app" target="_blank">https://www.speakout.hk/app</a><br></p>

瀏覽我們的IG：<a href="https://www.instagram.com/speakout_hk/?hl=zh-hk" target="_blank">https://www.instagram.com/speakout_hk/?hl=zh-hk</a><br>