一個涉嫌違法嘅人，如果想走又走唔到，唔走又可能要面對刑責，大家估下佢會諗啲乜、做啲乜？囍雨講嘅，咪就係多宗控罪在身嘅《壹傳媒》老闆黎智英囉！個幾月內已經三度向法庭申請保釋離境但都被拒嘅黎智英，今天就喺《生果報》發表咗篇署名文章，當然講嚟講去又係販賣「港區國安法」之下，香港有幾「恐怖」、幾「冇嗮希望」咁款啦，囍雨睇多咗，都覺得費事再同佢拗，不過其中有幾句，就實在可圈可點，例如話法官唔俾佢出境，係因為「誰會在國安法風頭火勢之下承受政治風險？」大家點睇？黎智英係咪指控、詆譭緊法庭呢？
黎智英講咁多 有冇證據？
嗱，未免囍雨理解有誤，喺度為大家引述下黎智英果篇《窒息中的香港人 逃亡還是抗爭》中幾句原話，等大家一齊分析下，例如「國安法還未來到，已有跡象威脅到法官判案裁決」…「主控官建議法官不批我出境許可證，法官同意了，也難怪，誰會在國安法風頭火勢之下承受政治風險？」…
大家認為，按照黎智英嘅邏輯，係咪想講法官喺處理佢離境申請一事上受到「威脅」、唔想「承受政治風險」？囍雨想講，任何人對法官裁決有唔同意見，係一回事；但話法官係因為受到「政治壓力、威脅」而作出裁決，就完全係另一個層面嘅問題、係好嚴重嘅指控！大家應該問下黎智英，咁講有冇證據先？！有就好快啲攞出嚟喇，如果唔係，就似乎係「有意無意」抹黑緊法官，甚至詆譭緊香港嘅司法制度喎！或者又咁講，如果黎智英冇咁嘅「原意」，囍雨就話，唔該黎智英撤回篇文章，然後向法官道歉！
不是說過「為美而戰、犧牲是榮譽」嗎？
不過話時話，大家似乎都睇得出，黎智英近排喺「離境」問題上，的確好心急，如果唔係，又點會個幾月時間就連續申請三次，又話去美國？做乜？為何一定要離境嘅理由呢？呢個時候，囍雨就好想提醒下黎智英，唔好唔記得自己曾經講過嘅「豪言壯語」啊，唔好呢頭先講完「為美國而戰、犧牲係榮譽」，果頭就諗住「借啲意」走咗去啊！
囍雨咁講，係因為黎智英喺佢今日篇文章裡面，似乎表露咗的「心跡」，例如講到「除了一走了之，香港人還有甚麼選擇？」但之後又話「誓死留下來，抗爭到最後一天」，其實，黎智英究竟想點？想掉低啲「手足」自己走先？定係要繼續煽動港人「抗爭」？但黎智英自己依家做出嚟嘅所有嘢，又似乎趕住想走佬咁款喎，又點解呢？
難怪社會不斷有意見指出，「港區國安法」未至，已經照出攬炒派政客嘅真面目，有啲突然話自己「會收聲」，有啲突然「唔支持港獨」，有啲又急急腳咁「想走」，囍雨真心講句，仲有人信呢班政客會繼續「抗爭」？咪傻喇！
原圖：中通社
請Follow我們的YouTube頻道：
下載我們的手機應用程式，收看第一手精彩內容：
評論