中央要就「港區國安法」立法，本港嘅攬炒派就不斷要求美國「干預」，同攬炒派裡應外合嘅美國政要包括總統特朗普同國務卿蓬佩奧，就不斷出口術，甚至稱要「制裁」香港；近日，蓬佩奧再度就香港事務發聲，聲稱美國正考慮「歡迎香港人同企業到美國」，咪住先，美國依家環境惡劣、暴亂不絕，仲叫人去美國？到底係想幫香港人，定係想害香港人先？
不要以為有「大便宜」
講真，雖然香港唔少人會覺得「外國月亮特別圓」，但囍雨覺得就算真係可以因為美國「開綠燈」而移居美國，大家都要諗清諗楚。先講最近發生嘅事，美國依家有超過140個城市都有暴亂，好多美國人都「人人自危」，要移居去一個依家係「高危」地方？真係多謝晒！
今次美國暴亂嘅引發原因係因為有黑人俾美國警察「跪頸致死」，事件所反映嘅，係美國長達超過百年嘅種族歧視問題，黑人尤其是非洲裔黑人，一直受盡歧視，由此又引申出貧富懸殊等問題，就算紐約市長白思豪，都表示過結構性嘅歧視係一種毒藥，非裔人士每日都充斥著種族歧視同埋隨之而來嘅痛苦、困惑同恐懼；一個「歧視大國」，囍雨真係諗唔到有幾值得嚮往。
喺呢度，等囍雨同大家分享多一個數字，新冠肺炎喺美國爆發期間，有近23%嘅死者係非裔美國人，當中某啲州分例如喬治亞州，染病死亡嘅黑人更佔總數近47%。點解會咁，有分析指咁係因為非裔美國人比其他種族更容易患上唔同疾病，但另一原因，其實某程度上係因為非裔美國人比較窮，有病時根本得唔到應有嘅照顧！
囍雨想特別指出，非裔黑人被歧視，大家唔好覺得係佢哋嘅事，而唔關中國人事，因為喺美國，一個特朗普搞白人至上嘅地方，黃種人、亞洲人同華人一樣都會受到歧視，喺新冠肺炎爆發後，美國玩轉移視線卸責中國，在美華人、黃種人都受到歧視同暴力對待；呢個時候蓬佩奧表示願意接收香港人，想香港人去到被歧視、受暴力對待？唔好玩啦！
民主自由是幌子
表面上，美國的確係一個「民主大國」，但喺民主制度下，白人以外嘅種族有唔少人喺日常生活都飽受歧視，自由並無為佢哋帶來公平嘅對待。蓬佩奧果套「大美國主義」、認為「幫緊」香港人，講真，就算成事，囍雨覺得只係吸引部分香港人去美國，「為白人服務」。
原圖：新華社
請Follow我們的YouTube頻道：
下載我們的手機應用程式，收看第一手精彩內容：
評論