曾經表示好想美國「干預」香港，稱自己「為美國而戰」嘅《生果報》老闆黎智英，日前接受美國媒體訪問，「再一次」表明希望美國「干預」香港事務，提到美國總統特朗普表明對「港區國安法」有強烈回應，希望對方「說到做到，有信心美國政府會行動」，又指「港區國安法」實施，香港將失去法治和自由。囍雨想講，除非有人一心分裂、顛覆國家，否則「港區國安法」實施，根本唔會影響到香港人嘅自由。
如同好多攬炒派政客一樣，黎智英一樣將「港區國安法」同自由、法治拉埋一齊嚟講，借機轉移視線，但囍雨想講，「港區國安法」所針對嘅，係分裂國家、顛覆國家、令外國干預香港同組織恐怖主義嘅人，立法會影響到港人自由、破壞法治咩？當然唔會，就算影響到香港人，都只會影響到一心分裂國家、勾結外力嘅政客，例如黎智英本人！
《生果報》有份造成今日局面
如果有人問，到底係咩人造成今日嘅局面，囍雨認為全國人大代表提出「港區國安法」草案，黎智英都係始作俑者之一。對內，黎智英嘅《生果報》不斷煽暴，甚至用盡「花言巧語」嚟美化同英雄化暴徒；對外，黎智英以至《生果報》都有叫外國干預香港，黎智英本人親身飛到美國見美國政要，而旗下嘅《生果報》就叫特朗普「救香港」。如果唔係有黎智英呢啲人縱暴、勾結外力，今日亦未必會逼使到中央要就「港區國安法」立法。
有一點值得大家留意嘅係，黎智英叫美國「干預」，唔係單純係「支援」香港，而係叫美國動用制裁手段去同中國「對抗」，包括凍結中方在美國或全球嘅資金，停止向中國運送高科技產品；呢一種行為，叫通蕃賣國，而「港區國安法」，正正就能夠針對呢種顛覆國家嘅行為，所以黎智英以至《生果報》咁急住反對立法，都係「有原因」嘅！
勿聽信黎智英而上街
最後，囍雨仲留意到，黎智英喺訪問強調自己被捕「唔重要」，又指溫和港人唔可以懼怕，要繼續上街示威；囍雨想講，黎智英唔會因為參與黑暴而被告縱火、暴動，梗係唔怕啦，但其他人如果聽佢講上街，然後場面變成暴動，分分鐘就會面臨檢控同監禁。信黎智英以至攬炒派嘅「抗爭論」？唔好喇！
請Follow我們的YouTube頻道：
下載我們的手機應用程式，收看第一手精彩內容：
評論