如果上帝滿足你三個願望，你會點揀？事業？健康？定愛情？廣男相信，大多數人俾出嘅答案，可能都大同小異。但壹傳媒老闆黎智英同大家有啲唔同，大家唔好睇佢財大氣粗，原來佢嘅「願望」都唔少。近日，佢接受台灣媒體電話連線採訪，就一口氣講咗四個「我很想」，不過廣男聽完之後，得出一個結論，黎智英嘅「四個願望」其實全部可以歸納為一條，就係想賣國！
按捺不住的「賣國情懷」
點解廣男咁講？件事係咁嘅，話說台灣嘅節目主持問黎智英，有人話你受到外國政府嘅影響、甚至受到美國CIA嘅影響，咁到底有冇呢？呢個時候，黎智英就即刻「吐露心聲」：「我們很想CIA、我很想美國影響我們、我很想英國影響我們、我很想外國影響我們」…如果大家有睇相關視頻，相信隔住個「芒」都可以感受到黎智英嘅「誠意」，廣男想講，賣國賣到咁露骨，咁急不及待，黎智英都算「香港第一人」囉！
對於黎智英嘅「賣國心聲」，廣男認為大家要先重溫少少背景。上個月，香港警方一舉拘捕咗包括黎智英、李柱銘在內嘅15名涉嫌組織、參與未經批准集結攬炒派頭目；今個月初，黎智英所涉嘅刑事恐嚇等控罪，又喺法院提堂。喺咁嘅情形之下，大家再睇番黎智英喺鏡頭前嘅神情，相信都會有一種感覺，就係佢真係開始按捺唔住。
會否加碼煽暴搞亂香港？
佢究竟想點？當然係趁住有台灣媒體採訪嘅機會，「急call援兵」、叫外國勢力快啲搞亂香港、搞衰中國啦！甚至好肉麻地講到，呢個係佢「唯一能夠撐下去的(理由)…」講真，外國勢力會唔會一次過滿足黎智英「四個願望」，廣男依家唔知，不過黎智英本人喺香港涉嫌觸犯嘅幾宗刑事案件，以及佢名下公司涉嫌違反地契等諸多問題，如果全部查證屬實嘅話，廣男睇怕都冇乜人、冇乜勢力可以「打救」到佢。
當然，廣男亦都有個擔憂，就係如果黎智英「急」起上嚟，為咗加快外國勢力介入香港、搞中國，會唔會更加千方百計「加碼」煽暴、鼓吹抗爭呢？呢種擔憂，大家唔好當閒話，因為之前好多「火魔法師」、「衝衝子」都係因為受到黎智英同《生果報》嘅煽惑。依家眼見又快到六月，黎智英呢班攬炒派會有幾多「新動作」謀劃緊，大家真係唔可以唔防範，尤其如果再有外國勢力介入搞亂香港，最壞嘅結果，係全港市民都要「找數埋單」。黎智英嘅「表白」已經向大家證明咗，攬炒香港背後，有英美勢力，甚至有美國CIA嘅黑手，係鐵一般嘅事實。
請Follow我們的YouTube頻道：
下載我們的手機應用程式，收看第一手精彩內容：
評論