所謂「每逢佳節倍思親」，每逢節日，大家都會想自己可以留喺家人身邊；噚日係母親節，係大家陪伴母親、向母親致敬嘅大日子。喺台灣開餐廳、「庇護」香港流亡台灣青年嘅「保護傘」，就喺Facebook專頁（保護傘 Aegis）貼出「在台抗爭者」親筆寫下嘅心聲，睇完呢啲心聲，大概只有一個反應，就係心酸 … 呢班後生仔，本來唔需要、亦唔應該流亡台灣淪為「棄卒」，到底係邊個搞到佢哋弄到「如斯田地」？

母親 原諒我

喺呢度，等囍雨節錄部分「家書」或者心聲，等大家睇下呢啲所謂「在台抗爭者」，到底同母親講啲乜：

「母親節快樂。原諒我不在香港，讓妳擔驚受怕。原諒我未能給你有個完整的母親節。」

「媽媽 讓你擔心，勞累，到處奔跑，但你沒有罵我，對不起！今年母親節我不能同你一齊　媽，你要小心身體　我很想你！」

「逢年過節，特別對家人感到抱歉……這是我第一個不在你身旁的母親節。媽咪，對唔住，我喺台灣一切安好　不在你旁你要好好照顧自己，不用擔心我的。希望早日能與你相見。母親節快樂。」

睇到呢啲「家書」或者心聲，就算政見不同，大家都好難「無感覺」，而囍雨則既有無奈，亦有憤慨，甚至有好多疑問，一群本身為大好青年嘅後生仔，點解母親節都唔喺母親身邊？點解佢哋要流亡台灣？本來佢哋唔係應該喺香港讀書、工作咩？一切一切，只有一個答案，就係因為佢哋相信咗「抗爭論述」，參與咗黑暴運動。

對呢啲流亡台灣嘅香港青年而言，最痛嘅相信除咗自己前程受損，仲有唔能夠侍奉喺家人身邊，長此落去，長期留喺台灣真係解決方法？如果有一日，家中父母年華老去，呢啲流亡台灣嘅香港青年，都仲要同父母「相隔異地」？導致呢個局面，點解仲有政客煽動啲年輕人抗爭？恕囍雨直白啲講句，要抗爭，請政客自己上場，或者帶埋自己啲仔女上場，唔好搞其他人嘅子女！

流亡棄卒容身的不是保護傘 是逃避傘！

老實講句，台灣「保護傘」嘅發起人或者組織者，可能認為自己係為呢啲在台嘅香港青年提供「保護傘」，但呢個「保護傘」實則無解決過問題，而只係逃避問題嘅「逃避傘」。再者，囍雨真心感覺呢啲在台青年已經淪為「棄卒」，與其喺台灣逃避問題，點解唔返嚟香港勇敢地面對呢？有啲嘢，做錯決定，係要用一世去付出代價。

原圖：保護傘 Aegis Facebook截圖

請Follow我們的YouTube頻道：<p><a href="https://bit.ly/2kgU8qg"target="_blank">https://bit.ly/2kgU8qg</a><br></p>

下載我們的手機應用程式，收看第一手精彩內容：<p><a href="https://www.speakout.hk/app" target="_blank">https://www.speakout.hk/app</a><br></p>