之前教大講師蔡俊威喺港台節目（無錯，又係港台）借暴徒佔領理大一事抹黑、以不實內容攻訐警方，被投訴後連通訊局都裁定投訴成立，港府亦將節目下架，但立法會教育界議員葉建源就用言論自由、院校自主等為蔡俊威以至教大卸責，睇到人「眼都凸埋」。最近，相繼有教師同教材相繼喺鴉片戰爭問題上「造文章」，前者講英國為「禁煙草才攻打中國」，後者就引用西方學者觀點，稱民族英雄林則徐禁煙係「輕率、不明智」，作為問題教師嘅「最大包庇者」，葉建源就拋出教師錯誤「較為罕見」、教材「設計希望同學能夠根據史實，看不同的觀點」嘅說法，又想輕輕帶過事件，大家真係要問下葉建源，將歷史「倒轉」嚟講，只係「較為罕見」？即係教育界不時有教師顛倒是非？
請葉建源講清楚！
對於有學校如此扭曲史實，葉建源稱教師錯誤「較為罕見」，廣男真心唔明白，乜有教師教書、講歷史，將戰爭嘅起因完全掉轉嚟講，都只係較少見？不如葉建源同涉事教師溝通下，睇下佢嘅資料來源係邊度？如果無資料佐證，即係教師「老作」！又或者，如果教師有資料佐證，但資料根本唔可信，咁即係教師失職！不論係前者定後者，教師都必然有錯，葉建源講得咁委曲，係咪又想講唔駛懲罰教師先？如果係嘅話，咁即係又係玩包庇啫！
至於教材出現學者批評林則徐「輕率、不明智」嘅問題，葉建源當然可以話係「教材設計」等學生「睇唔同觀點」啦，但廣男又想問下，點解英國向中國輸入鴉片為禍中國，中國官員、民族英雄林則徐禁煙，呢個咁明顯嘅大是大非問題，本港嘅教科書要用上「西方視角」，或者講白嘅係用殖民帝國視角去講呢件事啫？（有文章更稱該西方學者根本沒有如此批評過林則徐）咁講法，即係原來民族英雄林則徐，原來係「錯晒」？歷史可以有好多角度，但如果對象係初中生，廣男認為根本唔應該將「西方」、「列強」觀點強加於初中學生囉！
涉事者是教協會員嗎？
廣男好奇，今次涉事嘅教師，係咪教協會員呢？之前被批評仇警、散播仇恨言論嘅賴得鐘、戴健暉，又係咪教協會員呢？仲有，葉建源咁用力包庇嘅教大講師蔡俊威，同教協以至盲反派又有冇咩關係？當凡事問題教師、教材葉建源都選擇包庇，大家真係要問下教育界，到底要俾葉建源為禍教育界到幾時？
其實，教育界出現失德教師，界別嘅立法會代表又處處包庇護短，姑勿論前者係有心定係無意，後者係為咗選票定係真心縱容，如果其他在職教師唔想被失德教師、失德議員所「代表」，繼而令教育界聲名受損，就理應群起發聲，對敗類說不！至於家長方面，如果唔係今次因疫情停課而出現在家上課嘅情況，可能家長都唔知道有教師在教材中如此歪曲歷史，今次事件背後，仲有幾多類似事件真係唔知，肯定令部分家長對學校失去信任；作為家長，應該組織起嚟，監察好子女就讀學校嘅教師以至課程，否則，教育界就只會不斷出現教師失德、荼毒學子嘅「事件」。
圖片來源：RTHK
請Follow我們的YouTube頻道：
下載我們的手機應用程式，收看第一手精彩內容：
