因為盲反派立法會議員郭榮鏗喺內會「拉布」，因為港澳辦、中聯辦（「兩辦」）發聲批評郭榮鏗等議員「政治攬炒」，盲反派就祭出根據《基本法》第22條，中央政府部門唔能夠「干預」特區嘅「政治幌子」；其中港大法律學院公法講座教授陳文敏，更特意喺報章撰文，評論「兩辦」如何「不守」《基本法》，但囍雨要問一句，乜《基本法》只得第22條，大家有冇睇下第12條講乜？點解陳文敏講《基本法》第12條時要講啲唔講啲，係咪想配合盲反派轉移視線，掩飾盲反派政客喺議會內外嘅種種惡行？
狡滑的陳文敏
對於陳文敏喺報章撰文，囍雨覺得有一點非常值得商榷，例如喺佢文章當中，除咗用唔少篇幅講《基本法》第22條，亦有提及其他《基本法》條文，包括稱「第12條指香港享有高度自治權、第13及第14條指外交、國防屬中央人民政府負責管理⋯」，問題嚟喇，《基本法》第12條除咗講「香港享有高度自治權」之外，亦有講香港「直轄於中央人民政府」，陳文敏點解刻意忽略後半句？
咩係直轄？即係香港直接由中央人民政府管轄！咁既然由中央人民政府直接管轄，咁一定有部門負責啦！大家又要問下陳文敏，如果喺北京嘅港澳辦，喺香港嘅中聯辦唔係負責相關事務嘅「辦事機構」或者「派出機構」，咁香港由邊個中央政府機構直接管轄？其實只要大家認真諗下，就會知道盲反派嘅「香港無王管論」，係唔合常理，係唔符合《基本法》，尤其係第12條。
盲反派的轉移視線把戲
盲反派不斷借《基本法》第22條造文章，有心水清嘅人士指出，點解盲反派覺得中央政府嘅機構唔可以就香港事務發聲，但佢哋就咁歡迎外國勢力干預香港呢？當中無矛盾咩？其實由近日15名盲反派政客被捕，呢啲盲反派政客應該知道，就算佢哋有外國勢力撐腰，喺香港一樣無特權，尤其係無違法嘅「特權」；而外國勢力亦休想干預到香港。依家盲反派不斷叫外國勢力干預香港，又攻訐「兩辦」發聲，呢種既係「神邏輯」，亦係一種「賣國邏輯」！
最後一點，就係盲反派近日醜聞不斷，包括有公民黨陳淑莊、林瑞華嘅「酒吧開會」醜聞、喺內會「拉布」被炮轟，以至投反對票想否決1,300多億元防疫抗疫基金等，大家千祈唔好俾盲反派借《基本法》轉移視線脫身，要對準佢哋喺立法會「拉布」、想「攬炒」香港嘅真正問題！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論