公民黨陳淑莊、林瑞華參與「酒吧聚會」嘅醜聞又有新發展，有傳媒證實，衞生署已經到事發酒吧巡查，但就未有回應陳淑莊、林瑞華以至酒吧有冇違例，會唔會檢控。另一邊廂，有社會人士就提出新疑點，指呢班盲反派政客4月2日「酒吧聚會」當晚，其實就係飲食界功能組別更新選民資料嘅最後限期，而林瑞華亦不斷喺社交平台催促選民更新資料；囍雨就喺度諗，根據「酒吧聚會」嘅日期、林瑞華喺社交平台「催選民登記」，會唔會佢哋所講嘅「業界開會」，其實極可能係盲反派政客一邊「劈酒」、一邊傾奪權大計嘅「飲酒派對」呢？
 
傾「禁酒吧令」 還是傾選舉？
 
大家若有留意事情發展，應該會知道元朗區議員張秀賢，當晚亦都喺現場出現？而張秀賢日前同林瑞華一齊喺元朗出現、帶埋啲疑似文件嘅嘢走訪「黃店」，林瑞華仲喺社交平台稱「飲食界選民登記生成器正式上線」，相信佢哋其實係喺元朗做緊選民登記。前幾日同張秀賢做選民登記，然後林瑞華、張秀賢等人又喺功能組別更新選民資料嘅最後限期喺酒吧聚會，大家諗到啲咩？
 
如果你問囍雨，囍雨覺得事情原委可能係咁，林瑞華果段時間正在全力做選民登記、更新資料，而元朗區議員張秀賢就幫佢喺元朗做「宣傳」，直到更新選民資料嘅最後限期，呢班盲反派（包括陳淑莊）就去到酒吧商討選舉大計，順便「劈酒」，之後俾人踢爆，就稱當晚係傾業界（「禁酒吧令」）問題，所以佢哋講嘅一切一切，都有可能係「大話」！
 
太多疑團未解
 
事實上，陳淑莊、林瑞華嘅「酒吧聚會」，仲有唔少疑團未解，除咗上述質疑呢班盲反派政客唔係傾所謂「禁酒吧令」而係傾選舉外，到底佢哋喺「開會」過程中有冇飲酒呢？因為如果係飲酒、劈酒，咁就好難令人信服佢哋係開會啦！另一個問題，就係佢哋當晚有冇帳單要埋、邊個埋單？如果係開會，根本唔會有人飲嘢、食嘢同有帳單。
 
其實政府已經表示過，酒吧符合公眾地方定義、議員在議會外「開會」，亦唔能夠豁免，如前刑事檢控專員江樂士所講，身為立法會議員唔代表可以凌駕法律，警方若掌握足夠證據就可以提出檢控；如果陳淑莊尚有一點良知，知道自己犯法、愧對社會、愧對醫護人員，就自首承擔罪責啦！大家亦唔好忘記，陳淑莊仲係有緩刑在身架！
原圖：林瑞華Facebook、網路圖片
請Follow我們的YouTube頻道：https://bit.ly/2kgU8qg 
下載我們的手機應用程式，收看第一手精彩內容：https://www.speakout.hk/app