近日，盲反派捲入一宗疑似「集體違法」、無視預防及控制疾病規例嘅「大案件」，公民黨立法會議員陳淑莊、公民黨成員林瑞華同元朗區議員張秀賢等一行40人喺深水埗參加一個「酒吧聚會」，被傳媒揭發後仲林瑞華仲要藉口多多，一時話酒吧「落半閘」，一時又話「業界開會」。廣男實在好奇，如果一句「業界開會」就可以豁免，咁以後無人需要守法啦！
照舊藉口多多的政客
根據林瑞華嘅講法，佢公開宣稱酒吧「下半閘」、已張貼 「Private」告示同埋已經「移離客人並隔開會議範圍」，意指當晚係「業界會議」，但佢又話無留意啲人嘅相隔距離，仲鬧政府「轉移焦點」，又請「你們放下政治鬥爭思維，專心做好防疫工作」云云。其實依家係林瑞華等人涉嫌違法，點解佢、陳淑莊以至張秀賢仲可以「大聲夾惡」嘅呢？
對於林瑞華嘅一連串「謬論」，廣男必先要指出，根據政府嘅回應，酒吧絕對可以係公眾地方，而酒吧只要令公眾有可能進入酒吧範圍，都係符合公眾地方定義，屬《預防及控制疾病(禁止羣組聚集)規例》入面禁止嘅群組聚集；至於所謂「業界」會議或者報道所指嘅「股東開會」，如果係「業界」會議，咁點解非公民黨、非深水涉區議員兼「非業界人士」嘅張秀賢會喺度？有報道指當時有人話係開股東會，但如果係股東大會，點解公司註冊呢間酒吧得四名股東，但佢哋開會會有40人呢？一切一切，擺明就係林瑞華等人涉嫌違法後搬出嚟轉移視線嘅藉口！
出事後必定卸責推搪
林瑞華、陳淑莊等人，好明顯已經有違咗相關《規例》嘅罪嫌，廣男想點出，就算當佢哋去酒吧只係「社交聚會」，啲人係「分開」嘅，一個只有幾十平方米可以俾人坐嘅酒吧，40人可能做到每人隔開1.5米距離咩？林瑞華稱無留意啲人相隔距離，相信又係另一個「大話」！涉嫌違法，故然可恨，而林瑞華事後仲要稱「政府官員無謂再轉移焦點」，果然係凡事必卸責、定必攻訐他人嘅典型公民黨政客！
原圖：林瑞華社交網站
請Follow我們的YouTube頻道：
下載我們的手機應用程式，收看第一手精彩內容：
評論