如果你喺外國，新冠肺炎爆發，你第一件會做嘅事係咩？留喺外國，用行動證明自己相信「民主」嘅西方國家？定係即刻買機票返香港，用行動證明自己最相信嘅，始終都係香港？對於呢個「老大難」問題，「香港眾志」成員羅冠聰俾咗清晰答案大家，就係「每日都check住機票」，盡快返香港避疫。廣男唔係想取笑羅冠聰，佢一邊喺社交平台鬧香港政府，但一有事就即刻飛返嚟香港，真係有少少肉酸囉！
羅冠聰的政客本色
之前好多留學生喺英、美等國家一有事就撲機票返香港，廣男絕對覺得係人之常情，因為外國嘅「佛系式」抗疫，分分鐘留喺外國要等到有「群體免疫」情況先至會好轉；但羅冠聰就唔同喇，廣男前一段時間先見到佢喺社交平台鬧香港政府唔「封關」，仲話「鄭不惜將香港市民的安危作為政治籌碼，迎合中共『疫情平息』的論調，實為港人之恥」，既然講到港府咁差，咁佢返嚟唔驚因為香港無「封關」而令佢染病咩？
羅冠聰嘅「雙重標準」，反映咗一個事實，就係無論啲人（包括盲反派政客）講到香港政府、防疫工作幾不濟都好，到有起事上嚟，佢哋最相信或者比較相信嘅，都係醫療系統健全、市民防疫意識高嘅香港，而香港政府嘅防疫工作，亦唔係啲政客講得咁差，防疫能力甚至可以話係屬於世界前列。否則，羅冠聰就唔會「用身體」嚟證明香港始終靠得住啦！
盲反派雙重標準
根據羅冠聰嘅說法，雖然佢返咗嚟香港，但仲要以遙距方式完成課程，某程度上佐證佢唔係無啦啦返嚟香港，而肯定係「有事」要急急腳返嚟。大家可以問下對外國「推崇備至」嘅羅冠聰，佢係咪唔相信美國嘅防疫工作、醫療系統？相比起美國政府，其實佢係咪相信香港政府多啲先？如果唔係嘅，廣男就勸佢快啲返美國完成學業，攞個碩士學位返嚟「威威」喇。
話時話，羅冠聰返香港返得咁急，有冇同華府嘅政要、政客「道別」呢？之前有說法質疑，話啲喺外國咁急返香港嘅人，遲啲無事嘅時候，仲邊有無面目再返外國讀書、工作？廣男真係想知，到疫情結束，羅冠聰又會唔會扮無事，返美國做「洋奴」呢？
原圖：RTHK
請Follow我們的YouTube頻道：
下載我們的手機應用程式，收看第一手精彩內容：
評論