律師、大律師，一向俾人一種「天之驕子」同社會精英嘅感覺，大家都絕對唔會估到，呢啲一向收入「甚豐」嘅專業人士，竟然要靠借貸捱過香港被「攬炒」嘅日子。大律師公會主席戴啟思日前向會員發信，稱公會決定設立基金，向年資七年或以下嘅大律師提供短期免息貸款，上限為3.6萬元，以助佢哋度過「財政難關」。點解連大律師都搞成咁？因為香港被黑暴、疫情攬炒，連大律師都逃唔過呢一劫囉！
一切從黑暴說起
面對依家嘅逆境，唔少人都以為香港各行各業被攬炒係因為新冠肺炎，但囍雨要話俾大家知，香港今日之所以被攬炒得咁「甘」，係因為由舊年六月開始，黑暴運動就席捲全港，旅遊業、酒店業、零售業、飲食業以至運輸業等都叫苦連天；當時大狀們未被完全攬炒，仲有Case接，但去到今年年初，當新冠肺炎襲港，佢哋當中唔少就「無工開」，搞到今日有大狀可能要靠借貸度日，追本溯源，一切都係由黑暴開始。
好多人對於大狀們被攬炒完全無同情嘅感覺，點解？咁係因為好多人都認為，香港之所以被攬炒，同以大律師公會為首嘅法律界有一定關係！囍雨上網睇返舊年嘅新聞，當暴徒衝擊立法會嘅時候，大律師公會主席戴啟思稱「立法會被衝擊有可能因為示威者沮喪，立法會議員不聆聽他們意見，政府也不聆聽，政府應該回應他們訴求」；講到法治，戴啟思甚至稱「法治亦非如港府所言，幾百個示威者在街上縱火破壞，就能所謂『破壞法治』」，當暴徒擺明要攬炒香港，戴啟思等人都依然要「包庇」佢哋，咁今日連大狀們都被攬炒，試問又有邊個會同情班大狀呢？
沒有人能倖免於難
經濟被攬炒，根本無人可以「倖免於難」，今日大狀們面對經濟困境，其實同當日香港各行各業打工仔面對嘅困境一樣；囍雨就喺度諗，如果當日被攬炒嘅係大狀們，戴啟思仲會唔會唔譴責暴徒，反而不斷諉過於政府呢？無論如何，香港被黑暴加疫情攬炒已成事實，囍雨都唔想任何行業包括法律界「無飯開」，但囍雨希望，法律界人士尤其係支持黑暴運動嘅大狀們，佢哋從今開始會懂得將心比己，唔好再對黑暴攬炒香港無動於衷。更何況，作為法律界人士，本身就應該守護法治，而唔係眼見暴徒破壞香港而默不作聲，淪為幫兇。
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論