隨住黑暴運動一直發展，盲反派嘅「陽謀」就越嚟越明顯，上年黑暴演得最烈之時，盲反派就高呼要「光復區議會」；到區議會選舉結束，盲反派就聲稱要喺今年九月嘅立法會選舉「再下一城」。日前公民黨一班政客見記者，聲稱要喺九月立法會選舉取得過半議席，立法會議員楊岳橋更揚言如果政府唔「處理」所謂「五大訴求」，將否決政府一切法案同財政撥款。咁代表咩？代表盲反派已經唔怕撕破面皮，露出尾巴，擺明為政治就算搞死香港都在所不惜，不過廣男擔心，佢哋「陽謀」未得逞，香港已經俾佢哋「搞死」！
香港面臨的「三重」打擊！
喺了解盲反派「立法會過半」行動嘅傷害前，大家首先要明白香港依家面臨咩困境！由去年六月開始，香港就飽受黑暴運動所摧殘，市民及旅客不斷被暴徒圍毆「私了」，商舖被「打砸搶燒」，結果商戶生意難做，旅客又唔敢嚟香港，令旅遊業、酒店業、零售業甚至運輸業等都有經營困難；加上新冠肺炎肆虐，各行各業更面臨前所未有的打擊，唔少商舖都相繼結業，有啲商舖就算暫時避得過結業嘅命運，都難免要縮減人手、節省開支。
如果話黑暴運動加上新冠肺炎對香港造成「雙重打擊」，咁盲反派嘅「立會過半」行動，就肯定係對香港嘅「第三重打擊」。首先，為咗催谷立法會選舉、營造反政府氣氛，盲反派必定會繼續煽動抗爭，大家由近日新聞都可以見到，盲反派到依家都完全無收手嘅跡象，有政客喺香港「半死不生」嘅情況下仲煽動外國制裁香港，有政客、議員依然繼續同示威者同行，甚至出現喺示威現場而被捕；喺未來嘅幾個月，盲反派政客會繼續煽暴，結果就係香港要面對不必要嘅更大打擊！
盲反派不懂經濟
呢個「第三重打擊」，絕不止於盲反派繼續煽動抗爭，大家可以諗下，如果俾一班唔識經濟、只識搞事嘅盲反派成功喺立法會取得「過半」議席，結果會係點？結果就係佢哋會搞到議會、政府「停擺」，政府服務、開支都要停，市民睇醫生、攞綜援都會受到影響，到時就唔止係失業率上升咁簡單，而係癱瘓社會。
廣男想喺度指出，如今諸如公民黨呢啲傳統盲反派代表高呼要「立會過半」，仲有一層意味，就係傳統盲反派已經推出「大台」，極可能會操控嚟緊嘅立法會選舉，到時除咗政府、建制派會受到攻擊，本土派、少數縱暴派相信亦會受到傳統盲反派打壓。廣男估計，因為政治最終就係利益，所以傳統盲反派將會一邊排擠少數派但又利用佢哋抗爭以「爭取市民支持」，然後坐收漁人之利，順利當選進入立法會；少數派就被「用完即棄」。喺未來幾個月，大家就會見到呢班人嘅最醜惡一面！
原圖：RTHK
請Follow我們的YouTube頻道：
下載我們的手機應用程式，收看第一手精彩內容：
評論