如果大家有睇開盲反派元老、資深大律師李柱銘嘅文章，會發現佢有唔少文章，無論講咩議題、事件，最後都可以返去「雙普選」嘅問題，好似乜都關「普選」事咁；其他盲反派呢？其實由上年區議員會選舉之後，佢哋已經開始為今年9月嘅立法會選舉做「洗腦」工作，矢言要喺立法會選舉奪取「過半議席」。今日廣男睇公民黨主席梁家傑嘅文章，以為佢講「23條立法」，原來講到最後，又係講立法會選舉，即係「一切一切」，都好似要為選舉「服務」咁，即刻明晒！
制裁香港 奪主導權？
梁家傑呢篇以《急推23條立法只會玉石俱焚》為題嘅文章，廣男開頭睇，以為佢係講關於23條立法嘅問題，點知越睇就越唔對勁，因為佢筆鋒一轉，就講修例問題，稱「這段日子警隊卻繼續凌晨大搜捕、秋後算賬、濫告『非法集會』，市民看在眼裏，記在心裏，這筆賬將來還是要算的」，之後就講到《中英聯合聲明》及《基本法》，然後又講到要「利用外部勢力牽制特府」，稱公民黨將會整合制裁名單俾美國；講到最後原來係想講「今年9月立法會選舉要再下一城，目標是民主派要在立法會佔過半數議席，從保皇黨手上奪回立法會主導權，阻止惡法包括23條立法」。即係講咁多嘢，都係想講選舉？又係政治利益？
老實講，梁家傑講黑暴運動，如其他盲反派一樣唔提及暴徒「打砸搶燒」、殺人放火大家都預咗㗎喇，廣男想問下，如果官員、警務處處長要受「制裁」，咁暴徒點？自由出入美國？可以出事走去美國讀書？當一個政黨代表、資深大狀攻訐政府而無視暴徒暴力嘅時候，大家應該都明白佢有幾「捍衛法治」啦！
盲反派的「奪權計」
至於選舉問題，梁家傑口講，就聲稱要「阻止惡法」，但廣男就覺得，呢個其實係盲反派嘅奪權大計，區議會選舉係第一步，立法會選舉係第二步（如果佢哋議席過半，可以癱瘓議會、政府運作先真），之後特首選委選舉係第三步，左右特首選舉甚至「造王」就係最終一步。不過，大家要睇清楚盲反派「奪權」嘅後果。區議會選舉佢哋「得勝」，結果區議會變得面目全非、醜聞不斷；佢哋玩「攬炒」，令到好多香港人依家連飯碗都不保。喺未來選舉仲要支持佢哋「攬炒」、「奪權」？不了，香港人已經因為黑暴、疫情而處於「死亡邊緣」，仲信盲反派，真係想香港「歸西」咩？！
圖片來源：RTHK
請Follow我們的YouTube頻道：
下載我們的手機應用程式，收看第一手精彩內容：
評論