美國傳統基金會日前公布2020年經濟自由度指數，香港因為持續嘅政治同社會動盪等原因，榜首位置比新加坡超越咗，變成「全球第二最自由經濟體」；盲反派見到呢個情況如獲至寶，有啲引用報告話因為政府要修訂《逃犯條例》，有啲就話係因為近年香港同內地「走得太近」。今日《生果報》盧峯亦加入「口水戰」，大抵都係重複番盲反派嘅「論調」；囍雨想問下，盧峯點解唔講下黑暴運動期間暴徒做過啲咩？「打砸搶燒」、殺人放火，無影響香港自由同外資信心咩？
盲反派慣常把「好事變壞事」
就如其他盲反派政客同媒體一樣，《生果報》都將重點擺喺兩地融合同修例問題上，例如關於修訂《逃犯條例》，盧峯就稱「林鄭去年硬推送中惡法，衝擊香港法治與法制，戳穿香港在一國兩制下的法律保護網，又引發激烈的街頭抗爭」；講到修例問題，囍雨首先要「不厭其煩」地講句，修訂《逃犯條例》，係要堵塞法律漏洞，係完善法制，將好事講成「壞事」，永遠都係盲反派嘅作風。
至於兩地融合嘅問題，囍雨同盲反派以至盧峯有截然不同嘅睇法；綜觀盲反派嘅論調，就係配合「一帶一路」、「大灣區」等國策，會令香港失去自己獨有嘅優勢，但喺「一國兩制」、《基本法》嘅保障下，香港點解唔可以既保留自己法制、優勢，又搭上內地高速發展嘅「順風車」呢？就如「大灣區」嘅分工，香港依然係國際金融中心，如果內地發展得好而香港仲玩「自己顧自己」，呢個好似唔係世界潮流，因為全球好多地方，都將集點放喺中國，香港背靠祖國，兩地經濟融合理應利多於弊。
不提暴徒「打砸搶燒」
講咗咁耐，囍雨最想講嘅係，囍雨睇勻盧峯成篇文，佢都好似無乜講過喺過去大半年，即係佢所謂「街頭抗爭」期間，啲暴徒做過啲咩；例如暴徒到處「打砸搶燒」，用火燒人，甚至用磚頭殺死人等等，盧峯都無提及，而呢一點，亦係人哋評估香港自由度低咗嘅一個主因（持續的政治和社會動盪限制資金流入，削減了本港作為全球營商最佳地點之一的地位）。好明顯，盧峯以至《生果報》嘅論調，一方面係為咗攻訐政府，一方面都係為掩飾暴徒暴行。
盧峯呢篇代表《生果報》立場嘅社論，佢知道佢講嘅嘢有問題，佢亦知道我哋知道佢講嘅嘢有問題，不過，佢以至《生果報》，選擇繼續誤導市民；香港繼續俾政客、媒體以至反政府人士「攬炒」，睇嚟都在所難免。
請Follow我們的YouTube頻道：
下載我們的手機應用程式，收看第一手精彩內容：
評論