喺一個動輒得咎嘅年代，政府做咩事，都可以引嚟政客嘅批評。早前政府公布300億元嘅基金協助防疫，當中包括支援企業嘅措施，理論上應該得到社會各方人士，包括盲反派政客嘅支持；但奇怪嘅係，今日廣男睇新聞，見到盲反派元老、法律界重量級人馬李柱銘，竟然以《維穩第一 人命為次》為題撰文，稱政府「是利用基金來籠絡那些老闆級選民，協助保皇黨保住下屆立法會功能組別的優勢」。對於呢種令人蹄笑皆非嘅指控，廣男真係要問下李柱銘，佢唔明白保到企業，先保到就業呢個道理？
要保就業 就要先保企業
李鉒銘善於將民生嘢拉扯到政治上，呢樣嘢廣男一向都知道，但佢今次寫文指摘政府「籠絡那些老闆級選民」，對唔住，廣男真心唔同意。因為政府派錢俾市民，係有需要，但幫到一時，未必幫到佢哋徹底捱過逆境；較為治本嘅方法，係保住企業、公司，令公司可以繼續營運，只有公司繼續營運，員工們先有工返、有糧出，李柱銘稱津貼「零售、飲食、運輸、旅遊」等，廣男又要質疑，唔支持呢啲有好多基層從業員嘅行業，唔通要支援支持黑暴、向來富貴嘅法律界？
其實睇勻李柱銘篇文，廣男睇到嘅，只係一個又一個無理嘅論點，例如李柱銘又「秉承」港台《頭條新聞》嘅作風，稱「警方獲分配大批高級防疫裝備，擁有的N95口罩數量更是所有部門之冠。大家有目共睹，多次有警員身穿全套白色防護衣」，廣男真係分唔清楚，李柱銘有冇認真睇過相關新聞，因為警方都澄清過，警方嘅口罩其實得返大約一星期存貨，保護衣之前更係一件都未獲發過，只係用緊警方儲備。李柱銘呢種「盲反派式」攻訐，睇到人相當之憤怒。
講到尾 又係選舉
當李柱銘講到政府協助抗疫係有政治目的嘅時候，廣男見到佢有一段關於區議會嘅分析，話政府要協助建制派，以阻止盲反派成為下屆立法會嘅「多數」；其實講咁多嘢，李柱銘係咪想盲反派喺嚟緊立法會成為「多數」，所以先寫咁多嘢嚟攻擊政府同建制派呢？盲反派元老級人馬想借立法會「奪權」，廣男係明白嘅，但如果連抗疫、保企業、保經濟都要被「妖魔化」，廣男就覺得李柱銘呢啲政客，真係Over咗喇！
圖片來源：RTHK
請Follow我們的YouTube頻道：
下載我們的手機應用程式，收看第一手精彩內容：
評論