《生果報》作為全港最大嘅「煽暴」媒體，佢哋嘅報道有幾偏頗，相信大家都知，明明係暴徒，佢哋話係「衝衝子」；明明係暴徒搞事，佢哋就話係警方濫捕；明明係縱火狂徒，佢哋就話係「火魔法師」。廣男呢幾日睇新聞，原來警方自去年10月至今已經25次去信《生果報》，點名駁斥佢哋歪曲事實同造謠嘅報道，最近仲話《生果報》七個月以來對暴力同暴徒輕描淡寫，但就不斷抹黑警方，煽動仇警情緒，不負責任且居心叵測，警方對此表示強烈不滿，仲講明會保留一切追究權利。其實，《生果報》發行咗廿年有多，佢哋無能力求證事實咩？唔係囉，佢哋的確如警方所講，根本只係喺度煽動仇恨！
加個「疑」字 講乜都得？
對於《生果報》嘅失實或者煽動仇恨報道，真係多得「不能盡錄」，但廣男想舉一個例子，就係《生果報》喺12月有「似是而非」嘅報道標題為〈防暴疑影記者放Telegram〉，警方就批評《生果報》無查證，加一個「疑」字就亂咁抹黑警務人員；廣男就覺得，警方真係講得好啱，《生果報》真係加咗個「疑」字就真係「講乜都得」，之前《生果報》黎智英，咪又係「質疑」破壞銀行嘅係「喬裝警員」！人哋話「斷估無痛苦」，《生果報》就擺明係「老屈無痛苦」！
《生果報》抹黑警員，故然可恨，廣男覺得《生果報》更可恨嘅地方，係佢哋近半年多時間不斷煽動香港市民出嚟抗爭，老實講，啲後生仔出嚟抗爭、犯法甚至做「火魔法師」，被定罪嘅話最高刑罰係終生監禁，《生果報》同啲盲反派政客如果咁崇尚抗爭，點解唔見黎智英帶埋啲仔女、子孫出嚟「違法達義」呢？因為佢哋都知道，有起咩事上嚟「衰硬」，所以都係推其他人啲仔女出嚟做「爛頭卒」好！
仇恨不息 抗爭不滅
雖然依家社會氣氛稍稍有平息跡象，但廣男想同大家講，件事係「未完」嘅，仲有大約九個月左右就係立法會選舉，《生果報》以至盲反派政客，一定煽暴、縱暴到今年年尾，如果佢哋唔散播仇警情緒，唔叫人繼續抗爭，佢哋就好難再喺選舉「食糊」，推動佢哋嘅「奪權」陰謀，所以黎智英等食盡「人血饅頭」嘅政客，已經係咁催谷立法會選舉。《生果報》、盲反派係咪真係為香港？呢個問題大家可以自己思考下，但《生果報》想推多啲年輕人出嚟就炮灰，就肯定係真！
原圖：大公
請Follow我們的YouTube頻道：
下載我們的手機應用程式，收看第一手精彩內容：
評論