黑暴運動影響香港，甚至連教育界都被黑色歪風入侵，約有80名教師因為黑暴運動而被拘捕；原來除咗教師，政府亦公布截至去年12月31日，有41名公務員因為涉嫌參與非法公眾活動被捕，當中31名已經被停職。盲反派話政府「未審先判」，製造白色恐怖云云。囍雨唔明白，要效忠政府、每日接觸唔同市民嘅公務員，如果涉嫌違法，政府為何仲要俾佢哋繼續服務市民？唔怕佢哋處理工作時有偏頗？唔怕市民俾佢哋影響到咩？
政府：涉事公務員佔政府「極少數」
公務員事務局長羅智光日前見記者，就表明公務員涉嫌違法，就未必適合行使其公權力，並要考慮到公眾嘅觀感；羅智光未有回應到被捕公務員當中有冇紀律部隊或者教師，但就表示被捕公務員人數只佔政府公務員「極少數」，公務員團隊仍然堅守法治。
涉違法公務員 或不當運用權力
將有公權力在身、但涉嫌違法嘅公務員停職，本來係政府必須採取嘅措施，但盲反派政客偏偏連呢啲位都要「大造文章」，其中公民黨立法會議員譚文豪就聲稱「若然法庭未裁決，不應將涉事的公務員停職，否則違反香港社會一向無罪推定的原則，亦製造白色恐怖」；對於譚文豪以至其他盲反派嘅「白色恐怖」論，囍雨首先要問下譚文豪，如果一個公務員隸屬於紀律部隊，講求紀律嘅紀律部隊成員涉嫌違法，仲可唔可以俾佢繼續行使權力、服務市民？
同理，其他公務員，其實好多都要每日面對、服務唔同嘅市民，如果佢哋係涉嫌參與黑暴運動中犯法，佢哋平時喺執行職務嘅時候，會唔會因為知道被服務嘅市民身份甚至政見，繼而喺提供服務甚至作出判斷嘅時候唔能夠一視同仁呢？教師每日接觸學生，如果佢哋涉嫌犯法，為保護學生要暫時停佢哋職，其他公務員每日面向市民，如果佢哋「其身不正」，政府亦好難俾佢哋繼續服務市民、社會。
囍雨記得之前民主黨立法會議員許智峯涉嫌強搶女政府人員手機，當時佢未被定罪都只係一個「嫌疑犯」，如果套用盲反派「無罪推定」原則，咁民主黨做乜要凍結許智峯黨籍，仲要向公眾鞠躬道歉？唔通民主黨當時又係未審先判，散播「白色恐怖」？有時候，盲反派嘅雙重標準，真係矛盾到令人大吃一驚！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論