黑暴運動持續多月，令香港各行各業大受打擊，其中旅遊業、酒店業以及餐飲業更加係「重傷」，紛紛傳出倒閉、裁員等消息。最近兩岸四地嘅大學，公布去年第四季兩岸及港澳消費者信心指數，其中香港嘅指數最低，得68.7。其實，旅客減少，當然會令香港經濟受到打擊，但有一點大家都要留意，就係如果港人本身就對經濟失去信心、減少消費，對香港嘅打擊一樣好大。
最壞情況已成過去 還是並未來臨？
進行有關調查嘅學者表示，其實香港嘅「消費者信心」指數，已經俾去年第三季顯著地上升咗三成，相信遊行破壞喺12月有所減少，唔少市民認為最壞嘅情況已經過去；即係話，本來係兩岸四地消費信心最弱嘅香港，已經俾之前「好番啲」，但至於香港嘅最壞嘅情況係咪已經過去，囍雨覺得起碼要觀察到農曆新年之後，睇下各行各業有冇「新年後倒閉、裁員」嘅情況，同埋睇下黑暴會唔會重新「加劇」，先至可以再下定論。
當唔同媒體都報道有關旅客減少、相關行業受壓嘅新聞時，囍雨想講，如果本港市民失去消費信心，其實一啲都唔俾旅客減少嘅影響細；任何一個地方，如果想經濟向好，除咗要依靠投資、外地旅客等等，本地人願唔願意花錢、消費一樣咁重要，就好似唔同地方話要刺激經濟嘅時候，都必須刺激內需一樣。依家香港嘅消費信心以至內需都出問題，香港嘅經濟點會好？
香港人寧願把錢留在口袋
囍雨近排同從事地產、零售業嘅朋友傾計，言談間發現雖然佢哋嚟自唔同行業，但都得出一個結論，就係香港人依家普遍都唔太願意花錢，就算有錢都好，都寧願將錢留在口袋，觀察下市況先決定用唔用錢、用幾多錢。如果香港情況真如調查所指，消費者信心已經好番啲，而向好看之後仲會繼續好轉，咁樣香港經濟可能先仲會有「一線生機」！
盲反派、黑暴口中所指嘅「死物」，打爛咗或者可以重新整返，但如果係香港市民因為黑暴對香港同香港經濟失去信心，就唔係「整返」就搞掂咁簡單。都係果句，要止暴制亂，都需要依靠香港市民發聲。
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論