繼元旦日民陣搞遊行演變成警民衝突之後，新年後第一個週日，香港依然「不太平」。連任北區區議員嘅盲反派立法會議員林卓廷，噚日（5/1）聯同一批「新科」北區區議員，又以「反水貨客」為名喺上水搞所謂示威遊行，由於又有黑衣暴徒非法集結趁機破壞，警方因應形勢提早宣布遊行結束，並且採取行動截查黑衣人。但事後林卓廷又卸責警方，批評警方「濫捕」、「無理截查」云云，囍雨又要反問下，林卓廷作為遊行嘅「始作俑者」，又有冇睇清楚噚日喺上水發生咩事先？無論咩名義嘅遊行，有暴徒掟汽油彈、破壞、堵路、包圍途人，又係想點呢？
囍雨睇新聞報道，噚日遊行啱啱開始，已經有黑衣暴徒流竄去到上水警署，向警署連環投擲汽油彈，一時間火光熊熊，有警車被波及；幾乎同一時間，又有混匿於遊行隊伍嘅暴徒不斷擾亂秩序。到達遊行終點後，其實發起人都叫過啲遊行人士散去，但有人根本唔理勸諭，繼續向區內商場外集結。到下晝大約四點，暴徒開始發難，紛紛開始設置路障、包圍途人，又向一啲已經被逼暫停營業嘅店舖閘門噴漆塗鴉、破壞設施。喺咁嘅情況之下，警方先採取行動，「包抄」圍困企圖搞事嘅黑衣人，並制服多名欲逃走嘅反抗者。
是有暴徒違法在先
對於林卓廷以至盲反派政客對警方嘅指摘，囍雨認為大家首先必要反問一句，警方點解要執法先？市民有眼見，遊行一開始，就有暴徒趁機襲擊警署掟汽油彈，遊行期間又有人搗亂；到警方為免「出事」，先開始截查遊行人士，而暴徒聚眾搞事、刑事毀壞甚至包圍途人，則係鐵一般嘅事實。大家要明白，警方採取行動，唔係「濫捕、無理截查」，而係因為有人涉嫌違法在先。囍雨要特別指出，事實上當警方宣布遊行結束，有人唔聽、再度集結，已經可能涉嫌違法；而掟汽油彈、刑毀商舖等違法破壞行為就更加不能接受。大家要諗下，如果唔係警方提前部署、及早執法，噚日嘅所謂遊行隨時又可能演變成大型衝突，甚至流血收場。
盲反派「遊行」的本質
所以當林卓廷等人不斷聲稱噚日事件「與元旦遊行『大圍捕』無異」時，囍雨又想「提醒」下林卓廷唔好忘記，元旦民陣遊行之所以變成衝突，就係因為有暴徒騎劫遊行，繼而大肆堵路破壞、打砸燒，依家林卓廷咁講，係咪想話今次上水遊行都有人破壞、涉嫌違法，然後警方需要執法呢？如果係咁，囍雨又認同啊，因為基本上盲反派搞親遊行集會，本質根本就只係政客搭台，畀勇武派「接力」搞事，之後啲政客又出嚟批評警方，為勇武派「善後」。佢哋會「和平」？囍雨就話難矣，大家又信唔信？
原圖：RTHK
請Follow我們的YouTube頻道：
下載我們的手機應用程式，收看第一手精彩內容：
評論