每逢遊行，盲反派總有啲頭頭人物打頭陣，行喺最前、講最多嘢，事後就為遊行定性，順便「吹吹」啲遊行人數；被視為反政府行動「幕後大台」嘅《生果報》老闆黎智英，日前就喺《生果報》撰文，一時質疑「裝修」銀行嘅係警員，一時又話要特赦啲暴徒。廣男想質疑返黎智英嘅「質疑」，下下暴徒破壞完，盲反派都稱行為可能係警察「所為」，佢哋卸責嘅手段，可唔可以俾啲新意呢？
質疑破壞者是警員？
同之前黎智英其他文章一樣，黎智英今日題為〈2020和勇繼續一起撐下去〉嘅文章，當然亦都係謬論處處啦，例如佢喺文章頭段就稱，「我們不知道『裝修』匯豐銀行的黑衣人是否我們的勇武手足，但是打爆中國人壽店舖玻璃的兩位黑衣人便甚有可疑。現場目擊者質疑破壞者是喬裝警員 … 」，又想將暴徒責任推卸俾警察；面對黎智英呢啲謬論，大家真係要問黎智英一句，佢有冇證據證明係警察做？同埋佢呢種講法，同之前啲反政府人士話「藍絲用磚頭掟死老伯」、「被火焚燒市民係『特技人』」等大話有咩分別？
另一個黎智英講得極度荒謬嘅地方，就係佢同某啲盲反派政客以至一啲大學學者一樣，喺度要求「特赦手足」；對於呢種要求，廣男又想問下黎智英，點解要特赦犯咗法嘅人？如果要持赦，咁用磚頭殺死老伯嘅兇徒，要唔要特赦？向市民淋易燃液體再點火燒著市民嘅暴徒，又要唔要特赦？更重要嘅係，呢幾個月以來《生果報》係咁煽動人去抗爭，依家啲人被捕、被檢控，其實《生果報》都係「推手」，如果唔想年輕人入獄、盡失前程，咁《生果報》應該一開始就唔好煽暴啦！
教育界成「代罪羔羊」？
睇黎智英呢篇文，大家仲會發現到黎智英同其他盲反派一樣，都鍾意話教育界被針對，甚至稱教育界係「代罪羔羊」；嗱，廣男又要將個道理講多一次，教育界有教師涉嫌違法，有教師違反專業操守，黎智英覺得教育界嘅問題唔駛處理？可以任由教師為何欲為？如果係咁，咁黎智英「理想」嘅教育界，一定係「和勇一家」、教師齊齊抗爭嘅「恐怖界別」。
黎智英呢個「幕後大台」，不停喺黑暴運動中煽暴煽亂，一時叫人抗爭，一時叫人停手，矛盾謬論處處；但講到底，其實佢都係想幫自己同盲反派撈政治油水，有佢呢啲「大台」喺度，香港想恢復平靜，真係非常困難。
請Follow我們的YouTube頻道：
下載我們的手機應用程式，收看第一手精彩內容：
評論