區議會選舉雖然已經結束，但部分盲反派政客、媒體似乎仲相當「沉醉」於勝利當中，一時話呢啲係「五大訴求」嘅勝利，一時就話建制派輸係因為佢哋太「支持」政府云云；囍雨噚日睇《生果報》，又見到《生果報》老闆黎智英繼續喺度「指手劃腳」，當囍雨睇完佢一大堆偉論之後，原來最後係講要部署好下年九月嘅立法會選舉，即係講咁耐，無論啲年輕人點抗爭、被捕，都係「選舉要緊」，黎智英係想食「人血饅頭」，定係「用心良苦」，真係可圈可點！
堅持下去 全為選舉？
喺黎智英篇題為〈我們堅持下去，才有希望〉嘅文章當中，首先就論述建制派選舉失敗嘅原因，稱建制派輸係因為「當社會的法治和市民的自由受嚴峻威脅，民建聯等建制派不僅沒有挺身而出保護，更是落井下石 …」，之後講到抗爭，就話區議會選舉令「年輕人看到街頭以外另一途徑的抗爭力量，增強了他們對前景的希望，減輕了他們在街頭抗爭的壓力和急切性，也減低了他們勇武抗爭走向極端的危險」，講咁耐，到底係講乜？
講到後段，黎智英開始「點題」喇，喺文章稱「除了抗爭運動堅持繼續，明年的立法會選舉是我們繼區議會勝利後，再接再厲的目標。要達到這個目標，最令我們擔憂的，也是滲透者利用鎅票分薄泛民選票的惡行」，繼而得出盲反派要喺立法會選舉前搞初選嘅結論。睇到呢度，囍雨真係想問，黎智英、老一派盲反派政客，眼中係咪只有選舉，佢哋係咁煽動年輕抗爭，係咪想食「人血饅頭」先？
還好意思說法治？！
當黎智英指摘建制派無為法治、自由「挺身而出」嘅時候，大家真係要問下黎智英，呢六個多月以來，係邊個破壞法治、自由？暴徒打砸搶燒、圍毆「私了」市民，淋易燃液體再火燒「活人」甚至用磚頭擊斃老伯伯，呢啲殺人放火嘅行為，唔係先係破壞法治咩？市民好多時連街都唔敢出，返工又受阻，唔係自由被暴徒損害先啱咩？依家黎智英調返轉嚟講，擺明就係顛倒是非；而當黎智英質疑政府點解唔特赦暴徒嘅時候，更顯出佢罔顧法治！
至於黎智英意指選舉作為抗爭嘅「另一途徑」時，大家又要問下黎智英、《生果報》以至盲反派政客，係咪想繼續食人血饅頭？年輕人抗爭、被捕、被檢控，隨時前程盡毁，作為傳媒人，原來唔係叫人唔好犯法，而係話要為下年選舉「再接再厲」，搞好初選。黎智英係咪想爭取民主或者反政府人士所講嘅五大訴求，囍雨唔肯定，但佢同一班資深盲反派想借選舉「奪權」，反而就相當明顯。啲年輕人抗爭者以為《生果報》讚美佢哋？唔好天真啦，《生果報》當你哋係撈選票嘅「政治棋子」咋！
請Follow我們的YouTube頻道：
下載我們的手機應用程式，收看第一手精彩內容：
評論