反修例風波由六月到今日，已經半年有多，不過盲反派政客、媒體似乎仲未有「收手」跡象，從短期角度而言，佢哋梗係想將個勢推到去下年九月立法會選舉為止；長期而言，可能就係想奪取特區政府甚至中央嘅管治權。近月不斷「發功」嘅《生果報》老闆黎智英，日前就宣布成立短片網絡平台「一丁目」，稱要「呈現香港人在今年抗爭過程的感受與生活，並在台灣用影片感動台灣人，讓台灣觀眾更知道他們是台灣人，更要愛台灣的民主與獨立」。如果要囍雨用只兩個字嚟形容呢個平台，就係「洗腦」！
台港連結 共抗中央？
黎智英成立嘅短片平台，佢自己都講到明係要呈香港人嘅「抗爭過程」，想用嚟感動台灣人，台灣方面亦有關於「2020總統大選」嘅影片；倘若大家有留意下《生果報》近月嘅報道同評論，都會知道佢哋為咗煽動人出嚟抗爭而無所不用其極，一時話暴徒係「英雄」，一時甚至連縱火暴徒都美化成「火魔法師」。可以想像得到，新短片平台嘅成立，意味住黎智英要將「抗爭精神」傳到台灣，令台港進一步「連結」，對抗中央。
囍雨必須要點出，呢個以短片為主打、稱要反映「香港社會現狀」嘅平台，極可能會成為一個散播仇恨、美化暴力，甚至會出現假新聞嘅平台！遠嘅唔講，就講日前有港人因為走私案被通緝而喺港珠澳大橋被捕一事為例，黎智英旗下嘅《生果報》竟然都可以將拉通緝犯講到「港人被送中」咁；如果呢個短片平台喺台灣發展起嚟，大家認為呢個平台會為台灣帶來自由？定係將仇恨、對立帶到台灣，令台灣嘅抗爭都「遍地開花」呢？
台獨人士支持平台 意味深長
另一個值得關注嘅現象，喺黎智英嘅短片平台放映會上，唔同嘅嘉賓中包括有「台獨」政客林昶佐，林昶佐曾聲稱「我就是台獨」、「台獨不用高喊 我說得很自然」，甚至叫人「請叫我們台獨樂團」；當著名嘅「台獨」政客都為黎智英嘅短片平台站台，黎智英呢個短片平台想做咩，真係「心照不宣」。其實，黎智英咁做都係想將香港同台灣嘅抗爭者甚至「反中者」綑縛埋一齊，囍雨真係擔心，今日香港嘅動亂，遲早會「傳染」到對岸嘅「寶島」。
原圖：中央社
請Follow我們的YouTube頻道：
下載我們的手機應用程式，收看第一手精彩內容：
評論