黑暴運動由六月發展到今日，大家都知道所謂爭取「民主、自由」，其實全部都只係「口號」，因為其他人只要同暴徒、反政府人士意見不合，人隨時都可能被圍毆「私了」，而商舖就隨時被「裝修」大肆破壞；最新例子，就係一班藝人到訪警察公共關係科為警方打氣，照片傳出後一班藝人馬上被「恐嚇」，有啲人話要搞藝人屋企人，有啲又話要搞人公司，睇到呢度，囍雨真心想問一句，呢啲就係「自由社會」，唔好講笑啦！
被恐嚇藝人：我不會向惡勢力低頭
一班支持警察嘅藝人受到恐嚇，其中人稱「玻璃朱」嘅飲食作家朱庭萱，就表明無論如何，佢支持警察嘅立場都係堅定不移，希望活動（撐警）能為社會帶來正能量，香港人團結起嚟，唔駛用暴力爭取訴求，唔再區分「顏色」；另一個受到威嚇嘅藝人李霖恩，更表明枉啲人講民主，唔同意見就要搞其他人，行為可恥，而佢本人係唔會向惡勢力低頭。
老實講，自六月以嚟，黑暴支持者都反覆強調佢哋「行出嚟」，係因為好怕香港會失去自由；但觀乎暴徒過去幾個月嘅表現，根本就係佢哋打壓緊其他香港人嘅自由，同佢哋唔同意見嘅市民，不斷被暴徒圍毆「私了」；有商舖負責人被指「親中」，暴徒就會幫商舖「裝修」；尤其甚者，有市民曾經義憤填膺地喝止暴徒，結果俾人淋易燃液體，被暴徒活生生地火燒，行為極其冷血！嚴格而言，一班暴徒唔單止係妨礙他人自由，直頭係喺度散播緊白色恐怖！
今日暴徒 明日暴政
如果黑暴持續，而且佢哋嘅聲音蓋過其他人，咁香港一定會變成「一言堂」，以後只有暴徒「發惡」，其他市民只能啞忍。今次一班藝人支持警察後相繼表示唔會怯於暴徒威嚇，正正告訴咗其他香港市民，對待黑暴，唔應該啞忍，而係話俾佢哋聽，香港人唔怕佢哋文攻武嚇，只要係做緊正確嘅事，絕唔會被黑暴威嚇到。黑暴持續咗半年，就係因為大家對佢哋太「仁慈」，甚至對佢哋太忌諱，結果就換嚟從未停止嘅暴亂，其他香港市民，其實真係唔需要再忍，想撐警就撐警，想批評黑暴，就應該大膽發聲，否則今日暴徒，明日就可能成為「暴政」。
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論