打正旗號支援抗爭者、籌咗超過9000萬港元嘅「612人道支援基金」（下稱「基金」），最近又爆出醜聞，有暴動案被告雖然獲得法援資助，但係礙於律師團隊「法援限額制度」而未能獲批，於是向「基金」求助，竟然遭到拒絕，目前只能改用素未謀面嘅法律代表，該名被告本來被捕後「從未哭泣」，但亦都首次徬徨至落淚，「覺得咩都冇晒」。睇到呢度，大家有咩感覺？仲覺唔覺得「基金」「好幫到抗爭者」？
你都係用法援啦？
對於種種「指控」，「基金」信託人、嶺南大學副教授許寶強回應稱，比起「基金」嘅有限資源，擁有無限資源嘅法援制度能為一眾被告提供更大保障，所以「基金」一向鼓勵被告先申請法援，又表示「基金」原則係「保障各被捕人面對法律程序時，均會獲得合資格的法律代表，故不同意法律支援安全網『穿窿』的說法」，仲話被告揀唔到首選嘅法律代表，都仲可以有其他法律代表，好似「大學選不到某一科，是否代表最基本的讀書權利已失去？應該不可以這樣說」。唔知點解，我覺得「基金」嘅代表，似係講緊風涼話多啲喎，難怪有盲反派人士，都質疑「基金」點樣用「香港人嘅錢」啦！
不支援被捕人士 批錢搞「加油站」？
嗱，公道啲講，囍雨一向都知道「基金」係想被捕、被檢控嘅所謂抗爭者申請法援先架喇，但係今次報道嘅呢個Case，明顯係想請啲有經驗或者自己對對方「有信心」嘅法律代表，法援幫唔到被告，「基金」喺呢個情況下，唔可以「網開一面」咩？如果話「基金」資源有限、要量入為出，大家要問下「基金」，點解俾錢盲反派租音響？以下係「基金」資助嘅所謂人道支援項目，大家不如一齊評下理：
1. 梁凌杰先生喪禮
2. 民權觀察警暴受害者支援平台
3. 18區媽媽和理傾加油站
5. 6月23日立法會示威區法律講座 音響開支
6. 香港大專學界國際事務代表團海外遊說（倫敦、日內瓦交通膳食）
7. 民權觀察24小時被捕支援熱線及律師團隊秘書處（9-10月）
8. 民間人權陣線24小時被捕支援熱線及律師團隊秘書處（9-10月）
9. 本土新聞法律講座
10. T2T工作室 From Trauma to Transformation
11. 隱世醫療室 購買手提超聲波機
12. 急救隊支援
13. 台灣NGOs 為在台港人提供法律、醫療支援及相關緊急需要
14. 國難忠醫 肺清救港
嗱，大家睇下，「基金」批出款項有「音響開支」、大專海外游說等，連「18區媽媽和理傾加油站」都有，當呢啲所謂「人道支援項目」都攞到錢，但有暴動案被告竟然被婉拒，大家覺得「基金」幫邊個多啲？有冇淪為盲反派提款機？
有朋友同囍雨講，帳面上「基金」有批出款項俾「同路人」搞活動，係鐵一般事實，如果要認真監察「基金」，最好睇埋佢批出嘅案件資助，到底由咩律師、大律師承接呢啲案件，如果（只係話如果）承接呢啲案件嘅法律界人士又係「基金」嘅「同路人」，咁就會產生其他問題喇。囍雨見到相關報道、「基金」批出款項嘅項目，再諗下朋友嘅質疑，只能講句，「我覺得呢個人（「基金」）相當有可疑」！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論