盲反派支持暴徒，係鐵一般嘅事實，無論暴徒如何打砸搶燒，盲反派政客依然不譴責、不割席；囍雨今日睇到單新聞，可以話係極度離譜，就係盲反派政客提出要修改《公安條例》，包括將暴動罪嘅最高刑罰由十年減至三年，並將「非法集結罪」最高刑罰降至六個月。咁樣提出修法，好明顯即係想將暴徒嘅刑責「全面減低」？度身訂造為黑暴逃避刑責，仲有公正、公義可言嘅？
修例想從法律層面縱暴
呢個由盲反派立法會議員區諾軒同朱凱廸提出嘅私人草案，簡單嚟講就係建議將暴動罪以至「非法集結罪」減刑，並喺「非法集結罪」方面，廢除「破壞社會安寧」定義，將定罪必要元素改為「暴力擾亂公共秩序」，又想將集結人數提高到12人；暴動罪方面呢，就想加入「共同目的」作為定要控罪元素，「只有使用暴力的人」須負上刑責，單純參與集會不構成罪行。一句講晒，就係想幫暴徒卸責，將控罪元素加入「暴力」，刑期亦想大幅降低！
囍雨就覺得，盲反派咁做，完全係想幫暴徒「度身訂造」一個「輕鬆找數」嘅方法，最高刑罰為十年嘅罪行，竟然想縮減為三年；大家要問下盲反派，佢哋咁樣提議法，公正、公義咩？最近有伯伯被暴徒用磚頭擊斃，又有市民被暴徒淋易燃液體繼而點火焚燒，咁盲反派需唔需要修訂埋「謀殺罪」、「意圖謀殺罪」同「縱火罪」，等暴徒唔使坐監呢？眾所周知，暴徒依家將掟汽油彈縱火作為「抗爭之日常」，縱火作為最高可被判罰終身監禁嘅罪行，盲反派會唔會又提出修改？
政客公然包庇 香港再無法紀？
身為立法者，最應該做好嘅事情就係守護法紀，唔理係區諾軒、朱凱廸以至其他政客，竟然為咗暴徒可以「坐少啲」監，就話要提出草案「減刑」、修改控罪元素，如果成事嘅話，香港咪開咗「為暴徒減刑而修法」嘅先河？當盲反派批評《公安條例》嘅時候，大家要問下佢哋點解旺角暴動之後，佢哋唔提出法案要求修法，要依家先嚟做？最近囍雨睇新聞，見到有人仲流傳緊一則消息，就係喺一個國際智庫嘅「2019年全球城市安全指數」入面，香港已經由全球頭10位跌到第20位，如果黑暴繼續橫行，盲反派政客又繼續縱暴，咁香港嘅安全指數，會唔會再跌，跌到同第三世界國家或者地區睇齊？所以囍雨成日都話，香港唔單止係因為有暴徒所以亂，香港之所以亂，好大原因係因為有班政客為咗政治利益，而不斷喺度推波助瀾，煽風點火！
原圖：rthk
請Follow我們的YouTube頻道：
下載我們的手機應用程式，收看第一手精彩內容：
評論