政治入侵校園，暴力入侵校園，係呢幾個月大家經常討論到嘅話題，但原來暴力入侵校園嘅惡劣程度，已經發展到喺中學發現烈性炸藥。據傳媒報道，警方噚日喺明愛馬鞍山中學檢獲TATP炸藥，需要爆炸品處理課封鎖學校調查，並拘捕咗兩名涉事男生。睇到呢單新聞，其他人或者覺得好驚訝，但囍雨就覺得唔出奇，因為由教育界縱容涉嫌犯事學生開始，大學、中學就注定要俾黑暴「長驅直進」，校園發生種種案件或者學生參與黑暴，係必然嘅事！
隨時炸死人的炸藥
今次事件，囍雨覺得校方及時發現炸藥並報警，係不幸中之大幸，因為極少量嘅TATP炸藥，都足以炸死人。其實喺今次事件前幾個月，警方喺荃灣一工廠大廈搗破過一個武器庫，同樣檢獲過性能極不穩定嘅TATP烈性炸藥，當時有人就分析，警方所搗破嘅武器庫，可能只係不法分子眾多武器庫嘅其中之一，估唔到今次再發現TATP炸藥，係喺中學校園。
老實講，校園成為暴力溫床，係可以預計到嘅事。大家諗下，當初有大學、中學生涉嫌參與違法行動，無論係大學抑或中學管理層，都異口同聲話要支持涉事學生，俾人感覺學生涉嫌犯法仲要得到校方「支援」；之後中大、理大相繼成為暴徒嘅根據地，大學仲發現數以千計嘅汽油彈，教育界一樣無感覺。咁依家喺中學發現有炸藥，又有幾出奇呢？除咗呢間中學，警方今日又喺理大發現大量汽油彈等易燃物品，教育界「龜縮」，咁變成「武器庫」嘅學校，可能會越嚟越多。
請教育界不要再沉默
經歷過呢幾個月發生嘅衝突、案件，囍雨認為教育界絕對沒有繼續沉默嘅理由，唔只係話學生涉嫌犯事後，甚至被捕後要同佢哋講清楚是非黑白，而係要趁好多學生仲未捲入黑暴、罪案嘅時候，校長、老師都應該及早清清楚楚同學生講明佢哋唔應該參與抗爭，唔應該做任何違法事情，更唔應該以爭取民主、自由為名而為所欲為。如果教育界到咗呢個時候仲要保持沉默，咁下一個「出事」嘅學生，隨時係自己學生。
喺區議會選舉，有選民選手投票俾縱容暴力嘅候選人；喺大學中學，又有教師選手包庇學生，咁我哋嘅下一代，仲識得分辨是非黑白，識得守法、尊重法治嗎？諗到呢度，囍雨就覺得香港繼續咁走落去，前路難以想像！
原圖：中學網頁
請Follow我們的YouTube頻道：
下載我們的手機應用程式，收看第一手精彩內容：
評論