呢排黑暴行動蔓延到各間大學，各大學校長嘅一舉一動都成為全城關注；廣男今日就喺《生果報》（為《壹週刊》）見到一個報道，唔單止列出咗各大學校長嘅人工，年薪最高嘅係城大校長郭位，有成750-765萬年薪，最低嘅係嶺大校長鄭國漢，但都有465 - 480萬，仲話校長嘅人工水平同「撐學生」程度成反比。不過廣男就覺得兩者根本無關係，只係《生果報》「搵故仔」，但係大家都應該諗吓，呢班年薪幾百萬嘅校長，佢哋嘅問題係唔「幫」啲學生，定係無企出嚟對抗過黑暴呢？

各大學校長都不願譴責暴徒

廣男睇返資料，各大學校長對黑暴行動回應不一，其中中大校長段崇智就「經典」啦，率先向學生屈服，發公開信要求特首跟進「警暴」；科大校長史維亦就周梓樂墮樓事件表態，仲喺無實質證據之下，就發信質疑警方阻礙救援，仲要求搞「獨立調查」；而港大校長張翔就雖然話反對一切暴力，但係又推措施支援涉犯事學生；而其他校長就相對沉默，都係講希望學生遠離暴力，不認同暴力之類的說話。簡單嚟講，唔理佢哋願唔願意「撐學生」都好，唯一肯定嘅係佢哋都唔願意譴責暴徒！

不稱職的大學校長

其實黑暴行動都已經持續咗五個幾月，但係各大學校長都好似好「怕事」咁樣，一係就好似段崇智、史維咁，畀學生「圍攻」、威脅多幾次就屈服，聽晒學生講，支援涉犯事學生或者譴責「警暴」；一係就「空泛地」譴責一切暴力，但係身為大學校長，係教育工作者，喺社會極具影響力，無論係為咗香港社會、學生著想，都應該挺身而出，強烈譴責暴徒暴力，同學生講清楚，違法嘅後果有幾嚴重，依家呢班大學校長，確實係令人有啲失望。

廣男覺得香港社會已經去到好危急嘅情況，社會氣氛異常緊急，就算近期暴力示威好似暫時停左落嚟，但黑暴行動隨時重燃。大家可以留意一點，區選結果令個別政客、反政府人士有一種選民支持「暴力」嘅錯覺，如果喺呢個時候啲大學校長仲係「不作為」或者偏幫涉事學生，咁下一波行動，大學生肯定唔會「缺席」！

原圖：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app