黑色暴力，泯滅人性，早前一個中年男子李先生因為喺港鐵車站喝止暴徒破壞，結果俾暴徒淋上易燃液體，仲要點火「燒著」佢，結果李先生全身有五成皮膚燒傷，到依家都仲重傷。李太日前接受媒體訪問，依然一臉無奈、充滿悲憤，一字一淚地質問暴徒：「活生生一個人被你燒成這樣，以心比心，別人這樣燒你，你會怎樣？」對於有人指李先係「自燃」受傷，李太更批評咁係對惡行毫無悔意，對佢哋作出二次傷害。

食唔安 瞓唔落

對於李生無情地遭暴徒意圖「謀殺」，李太直言自丈夫受傷後，佢一直「食唔安，瞓唔落」，為咗照顧丈夫每日只能瞓一兩個鐘；憶述起知道李先生被「焚燒」時，李太第一個反應係難以置信，直到依家都難以接受有人可以做出咁泯滅人性嘅行為，更激動地落淚，「沒有想過有人會放火燒人，當日我剛回到公司就接獲女兒電話，說爸爸被人潑火水，被人放火燒。我不能接受！」

對於呢種擺明係想「謀殺」嘅行為，囍雨覺得有啲問題社會必須要正視，首先係暴徒暴力已經升級到「殺人」層次，李先生至今仍重傷，之後亦有伯伯喺上水街頭被暴徒用磚頭掟死（仲要有人質疑事件係假，甚至訛稱係藍絲人士從後掟磚掟死伯伯），對於暴徒嘅「殺人」行為，到底我哋仲要忍到幾時？係咪要等到暴徒將「殺人」行為「視作等閒」，我哋先覺得「有問題」而去採取措施制止或喝止？如果係咁，只怕香港人會人人處於「戰爭狀態」，隨時受害！

另一個睇到人好心寒嘅現象，就係發生呢啲泯滅人性嘅暴行，竟然仲有人可以因為「政見不同」而二次傷害傷者家人，話李先生係「自燃」，甚至係特技人。囍雨覺得李太講得好有道理，如果係大家被火燒，會點樣呢？係咪會覺得自己係「自燃」、與人無尤呢？所謂己所不欲，勿施於人，自己唔想受到傷害，唔想家人受到傷害，咁又何苦要去二次傷害受害者家人呢？

盲反派政客在哪？

發生咁嚴重嘅意圖「謀殺」案，大家有冇發覺到呢一刻，幾乎完全無盲反派政客譴責暴力、譴責暴徒再同暴力割席？原來爭取民主、自由嘅政客，係會為咗政治利益、為咗選票而放棄公義。囍雨必須指出，今日黑暴可以暴力對待政見不同者，他日一樣可以暴力對待盲反派政客，呢個世界有個道理，叫「他朝君體也相同」！ 

原圖：文匯報

請Follow我們的YouTube頻道：

https://bit.ly/2kgU8qg

下載我們的手機應用程式，收看第一手精彩內容：

https://www.speakout.hk/app