周日暴徒佔據理工大學同警方「大戰」，但最終喺警方嘅重重包圍下，暴徒亦都無計可施，唯有一直躲在校園內；一眾盲反派政客見暴徒形勢不妙，即刻扮「和事佬」發聲明，叫警方同示威者「各退一步」，仲批評警方「濫捕」，而陳方安生都出埋嚟抽水，叫警方停止使用「致命武力」，又話希望區選如期舉行咁話喎。廣男覺得，呢班政客為咗包庇暴徒，真係咩都講得出，要警方退一步係咪姐係要「放走」哂班暴徒？仲有如果唔係暴徒用汽油彈、弓箭襲警在先，又點會逼到警方用相應武力應付呢？一切後果都係暴徒自己攞嚟嘅！

以選票解決問題？

對於大批暴徒被圍困理大，盲反派24個立法會議員好似好緊張咁，仲即刻發聯署聲明，話情況極度「焦慮」，又呼籲警方及示威者「克制」，話希望雙方各退一步，緩和氣氛云云，之後民主派又借機譴責警方「濫捕」，又呼籲理大高層同斡旋調停，確保事件和平落幕咁話喎；而陳方安生亦都借事件抽水，話校內有「人道危機」，又叫特首安排校內所有人離開，仲呼籲要用選票解決問題，話區選對政制發展「至為重要」，不斷叫人去投票，又話希望選舉可以如期舉行云云。廣男真係唔理解，點解發生咁大件事，盲反派都只係一味攻訐警方，記掛住選票？

盲反派一切以選票為先

廣男想講，成個問題嘅根榞就係暴徒四圍堵路、破壞，仲要用汽油彈、弓箭等致命武器襲警在先，就算警方多次警告都仲唔肯收手，咁點解盲反派只識批評執法嘅警方，又唔會去讉責果班行兇嘅暴徒呢？一句講哂，根本就係本末倒置！而更荒謬嘅係陳方安生，居然話要用選票解決問題？就好似之前黎智英咁，突然「轉軑」想示威者減少暴力，都只係因為想盲反派可以喺區選到勝出，廣男真係想問，點解盲反派政客可以將所有問題都同選舉掛勾？唔通香港社會前途未來、市民性命安全都唔夠選票重要？

廣男真係好憤怒，盲反派根本一切都只為選舉，如果佢哋真係關心果班學生會被捕、受傷，就應該一早挺身而出讉責暴力，極力阻止暴亂繼續蔓延下去，而唔係見到有暴徒大肆破壞，襲擊「私了」市民，甚至暴徒佔據多間大學做黑暴「基地」，都仲要唔出聲，不斷縱容包庇，情況變到今時今日咁，盲反派一定要負上最大責任。大家試諗吓，如果俾呢班「縱暴」政客喺社區中掌權，我哋嘅社會又會變成點呢？

原圖：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app