黑暴行動持續咗五個月，暴徒暴力越來越冷血、兇殘，用盡一切方法襲擊警員、向政見唔同嘅市民行私刑，今日《生果報》就有一篇題為〈屠龍小隊圍爐談 籲港人覺醒：我哋捱唔到好耐咋〉嘅報道，訪問咗果班「最前線」、「最極端激進」嘅暴徒，佢地自稱做「屠龍小隊」，成篇報道都係用例牌嘅煽情手法，講到佢哋幾咁辛苦、付出咗幾咁多、受咗幾多傷之類，總之就係繼續幫暴徒「化妝」。廣男想講，暴徒根本已經完全失控、瘋狂，喺上水已經有伯伯被暴徒掟磚擊中頭部重傷不治，點解《生果報》點解仲要美化暴徒，係咪仲要推人出去做犯法嘢？要香港人一齊攬炒？

將冷血暴徒英雄化

其實成篇報道入面，都係不斷宣揚果班「屠龍小隊」嘅「戰績」，點樣襲擊警員，用汽油彈掟警車、警署，喺警員手中「搶犯」等，將暴徒暴行寫到好似漫畫、小說情節一樣，仲話佢哋已經付出咗前途同生命，因為「屠龍」（對付警方）好高風險，佢哋成日都係警方「標靶」，有成員後腦俾橡膠子彈射中爆開大洞，如果唔係及時急救，就會已經失血過多而死，又話向警署掟汽油彈逼到警員差啲拔真槍之類，總之就係想寫到班冷血暴徒好似英雄一樣，甚至連死都唔怕。一句講哂，就係《生果報》就好似為佢哋塑造一個「英雄故事」。

《生果報》想推人去「衝」

廣男睇完呢篇故仔都有啲心酸同心寒，唔係因為覺得「屠龍」好「偉大」，而係感慨呢班人點解仲可以若無其事咁講自己嘅冷血兇殘暴行，完全睇唔到佢哋有任何愧疚，暴徒不斷咁掟汽油彈縱火，用盡各種方法襲警，隨時死好多人，呢啲暴行根本同所謂嘅「政治訴求」完全無關，只係一心想破壞社會，發洩個人不滿情緒，行為極端、瘋狂，到底點解《生果報》仲要幫呢班罪犯「寫故仔」？之前《生果報》已經寫過「火魔法師」（縱火狂徒）、「衝衝子情侶」（前線暴徒情侶）嘅煽情故事，講到尾《生果報》都係得一個目的，就係想借故仔，激起更多人嘅情緒，推人出去做暴徒、「勇武」。

廣男想問，其實到底《生果報》仲有無傳媒道德，有無諗過周圍散播呢啲美化暴徒嘅「故仔」，後果有幾嚴重？呢種報道手法就好似認同、鼓勵暴徒行惡兇一樣，咁樣只會令到暴徒覺得自己「無錯」，繼續「泥足深陷」，《生果報》係咪想要更多人出去「屠龍」，搞到有更多人被拘捕、嚴重受傷，甚至死更加多嘅人，先願意「收手」？

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app