日前喺馬鞍山發生單駭人聽聞嘅「意圖謀殺」案，一名中年男子因為同黑衣人爭拗結果被淋易燃液體再被點火燒著，即時變成「火人」，現時情況危殆。面對呢單毫無人性、泯滅良知嘅「殺人」行為，任何人都應該企出嚟，嚴正譴責暴力，偏偏「縱暴」成性嘅盲反派，竟然絕大部分都唔肯譴責暴行，有啲話自己「唔得閒」所以唔回應，有啲就索性將責任推俾警方；囍雨想講，依家講緊嘅係「意圖謀殺」喎，咁都唔同暴力割席？一句到尾，盲反派係咪支持「殺人」行為先？

盲反派議員避得就避？

有傳媒特意就近日暴力事件訪問盲反派議員，結果近廿名盲反派議員當中，就只有公民黨郭榮鏗一個聲稱要「譴責暴力」，其他盲反派議員包括「和理非」黨（民主黨）幾個議員都無譴責暴力，有啲稱特首林鄭月娥先係「最暴力」，有啲就唔評論，有啲甚至匆忙躲入會議廳。簡單嚟講，就係避得就避，「事不關己」！

睇番呢幾個月嘅衝突，當初反政府人士要遊行，盲反派政客撐佢哋；之後有人開始衝擊喇，盲反派政客又撐佢哋；之後開始有人掟磚，盲反派仲要撐；再到之後掟汽油彈襲警、打砸搶燒，盲反派繼續撐；去到最近，無論係有人割警員頸，以至近日有人活生生俾火燒，盲反派政客都仲未譴責暴力？依家擺明「謀殺」喎，點解絕大部分盲反派政客仲唔同暴力割席？佢哋仲有人性？仲有道德底線可言？

我們要譴責無良政客

老實講，一班盲反派政客唔係「盲」，而係佢哋深知一班暴徒依家就係佢哋反政府嘅最好棋子，亦係選舉當中一群代表激進勢力嘅選民，亦即係佢哋嘅選票，所以無論暴徒、兇徒有幾錯，佢哋「核爆都唔割席」；之但係，佢哋咁樣做，即係默許暴徒施暴，咁搞法，班暴徒以為自己背後好多人「支持」同「認同」，又點會收手呢？唔通要到死人，盲反派政客先知要阻止班暴徒？

所以，一班盲反派政客，根本係暴徒嘅幫兇，甚至可以話係暴徒嘅一分子，大家譴責暴徒嘅同時，記得譴責埋呢班「縱暴」、「煽暴」嘅無良政客！ 

原圖：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app