中大校長段崇智早一排發公開信力挺涉嫌違法嘅中大學生，引嚟社會各界猛烈批評，連八大校董會主席都聯合發布公告，表明大學唔應該捲入支持某一特定政治立場嘅「漩渦」；之後四個警察協會主席發信批評段崇智「包庇、縱容」學生，四個警察協會主席又引嚟盲反派「攻擊」，盲反派去信政府，稱四個協會主席「肆意攻擊」段崇智，有議員甚至稱四個協會主席「人身攻擊」段崇智。對於盲反派嘅種種「指控」，廣男覺得「回歸基本步」就最好，問題嘅癥結只有一個，就係四個警察協會主席所講嘅嘢有冇道理，段崇智甚至盲反派，係咪都有包庇暴力先？

根據傳媒報道，盲反派去信公務員事務局局長羅智光，稱「四會主席的信件扭曲段崇智校長的意思之餘，更肆意攻擊一位知名大學的校長，對大學教育毫不尊重，更抗拒投訴，令特區政府及警隊蒙羞」，而立法會教育界議員葉建源更直指，四個警察協會主席「指摘段偏頗及向他（段崇智）作人身攻擊」；當一班盲反派義正詞嚴指控四個警察協會主席嘅時候，不如等廣男同大家回下帶，睇下四個警察協會主席講咩先啦！

師長應該包庇學生？

之前廣男寫文已經講過，四個警察協會主席批評段崇智，主要有幾大論點，包括佢作為科學家只憑一面之詞，無證據就公開質疑警方、未有引導學生走上正途、包庇學生以及將政治衝突帶入校園等等；廣男想問下，四個警察協會主席所提出嘅質疑，邊度唔合理？邊度係「人身攻擊」段崇智呢？難道身為師長，應該包庇、縱容涉事學生，兼唔直接點出學生可能犯錯？如果盲反派嘅所謂批評，係建基於「無論如何」都要支持涉事學生同包庇學生嘅師長，咁廣男實在不敢苟同。

既然盲反派都去信政府「力挺」段崇智，廣男覺得大家真係要再借機問清楚盲反派政客，係咪盲反派同段崇智都一樣，到依家仲唔肯譴責暴力，仲唔願意同暴力割席呢？事情嘅本質，係在於有學生因為抗爭而涉嫌違法，點解盲反派以至段崇智，都只係聚焦喺警方執法嘅問題，而無視班學生本身做過啲乜呢？

盲反派拒割席是暴亂一分子

廣男就覺得，香港之所以發展到今日咁亂，一直縱容黑暴運動嘅盲反派政客「居功不少」，佢哋唔譴責暴力、唔同暴力割席都算啦，仲要喺度「扮保長」？至於段崇智，如果佢有理大校長唔同戴口罩畢業生握手、拒絕政治入浸校園嘅勇氣，廣男相信各大專院校今日唔會出現咁多政治入侵校園嘅歪風。 

原圖：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app