15少女陳彥霖離世引起外界關注，媒體以至網絡，都出現唔少推測，當中包括死者曾參與反政府示威，她是被「他殺」而唔係「自殺」；《生果報》日前極力炒作事件，甚至用上頭版報道，引述社工稱「看不到彥霖有意圖輕生迹象」，又引述其好友指死者「性格活潑開朗，不相信是自殺」云云。不過，死者母親接受媒體訪問，指女兒是自殺而不是被殺，懷疑女兒受思覺失調困擾。點解《生果報》以至個別媒體人士咁熱衷於炒作有關死者嘅新聞？佢哋係真正關心死者，定係有更大嘅政治目的？

聽聽死者母親怎麼說

死者母親何女士，早前接受傳媒訪問，表示死者8月開始至少兩度聲稱有一把聲經常在耳邊出現，懷疑佢受思覺失調困擾，令佢瞓唔到覺，覺得好辛苦；對於外界指死者嘅死因為同反修例示威有關，何女士表示唔認同，因為死者7月已經表示唔想出去，「因為已經變晒質」。何女士希望女兒嘅事件告一段落，放過佢哋一家人，令佢女兒安息。

對於死者母親現身說法，囍雨相信事情已經足夠清晰，不過一心認為「死者被滅口」嘅反政府人士，都係繼續唔信，好似《生果報》咁，就稱自己「向多名彥霖好友求證和綜合多方資料，指彥霖情緒無大問題，而且一直對反送中運動態度一致，與彥霖母親說法有別」，點解《生果報》到呢一刻都係覺得事情有問題，甚至連人哋媽媽講嘢都唔信呢？

無良涼薄 吃人血饅頭

囍雨覺得，《生果報》之所以追住件事唔放，甚至人哋媽媽都澄清事件都唔信，其實唔排除係出於政治考慮。大家諗下，反政府行動發展到今日，出嚟參與「抗爭」嘅人數慢慢減少，甚至連一啲反政府平台，近日都不時有一啲類似「我哋就嚟輸」嘅講法，《生果報》好、其他反政府政客以、示威者以至暴徒也好，一定要搵到位繼續「入」政府，否則之前做嘅一切都只會得個「桔」；而陳彥霖嘅死亡、一啲疑點，就係佢哋繼續保持反政府「溫度」嘅最佳故事！

《生果報》呢一招，可能對反政府人士有啲效果，但囍雨必須指出，《生果報》咁做除咗係煽風點火，其實亦係可以為暴徒暴行轉移視線，當大家都關注陳彥霖點死嘅時候，暴徒襲警、割警員頸、掟汽油彈、「私了」、燒舖等等不法行為，就即刻少咗好多人講，少咗人關注喇。

不過，為咗達到政治目的而消費死人，根本就係喺度食緊人血饅頭，利用已經離世嘅人煽動其他人繼續反政府，行為既涼薄無良，毫無道德，亦係對死者、死者家人嘅二次傷害。所謂死者為大，如果人哋家人已經就事件澄清，其他人、媒體仲要繼續消費死人，咁對社會又咩益處？對死者家屬又有咩益處呢？停止散播謠言啦！ 

原圖：RTHK

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app