反政府政客、媒體以至人士，近來不斷喋喋不休要爭取所謂「五大訴求」，有分析指啲反政府人士係要搞「港獨」、雙普選同特赦暴徒；今日，廣男睇新聞，見到新加坡總理李顯龍，喺一個商業會議致詞時，就表示香港示威者嘅訴求其實係令港府蒙羞同倒台，又指香港係一個特區，唔係一個國家。廣男覺得李顯龍講得幾有道理，因為觀乎反政府行動嘅走勢，的確係有班人想奪權、搞「港獨」。

香港不是國家

根據傳媒報道，李顯龍評論香港示威，指出「此事沒簡單解決方法，他們要求普選，但香港不是一個國家，而是一個特別行政區」，而一班示威者嘅訴求，其實係想港府蒙羞、倒台；李顯龍又指新加坡非常關注香港局勢，認為香港出現麻煩、示威甚至騷亂，對香港嚟講都非常可惜。

廣男覺得李顯龍講得好啱，香港唔係國家，而係中國嘅一個特別行政區，就算要實行普選，最少都要依據《中英聯合聲明》同《基本法》行事，其中後者最重要，因為《基本法》就等同於香港嘅「小憲法」，列明香港要普選行政長官，都係先由有廣泛代表性嘅提名委員會提名特首候選人，而唔係反政府人士所要求無規範嘅普選，亦唔會係「公民提名」。

要港府倒台？

另一方面，李顯龍指示威者要港府倒台，其實亦分析得非常準確；喺反修例開初，一班示威者、反政府人士只係撤回《逃犯條例》修訂，之後隨住反政府浪潮越演越烈，示威者、反政府人士就提出五大訴求，唔少人表明要「光復香港，時代革命」，有啲講到明要爭取「港獨」，有啲甚至劍指中央政府。如果唔係想政府倒台，點解會有呢啲聲音，而且仲有一系列嘅暴徒行動配合呢？

黑暴行動發展到今日，稍為明事理嘅人都知道一連串行動針對港府，甚至係針對中央，如果再盲目支持一班示威者甚至暴徒，最可能嘅結果，就係香港人齊齊「攬抄」，社會變得越嚟越差；就算係一班被盲反派捧為「義士」嘅暴徒，最後好可能要承擔罪責。呢個局面，會令香港人得到啲咩，大家真係要深思！ 

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app