今日係「九一八事變」88周年，對於所有中國人嚟講，應該係一個紀念抗戰歷史、緬懷先烈嘅日子，但係香港就竟然有一班暴徒喺紀念日之前去破壞、塗污位於烏蛟騰嘅抗日烈士紀念碑，仲喺紀念碑多處噴上「反送中」、「反送中列士」嘅字眼。囍雨睇到單新聞之後真係好憤慨，果班暴徒究竟知唔知自己做緊乜野？呢座紀念碑係為咗紀念保家衛國嘅抗日烈士而樹立，點解要破壞佢？同你哋嘅所謂「訴求」究竟有乜關係？囍雨想請各位市民睇清楚，呢班人依家有唔單止已經喪失咗理性，仲有人性！

一段可歌可泣的歷史

可能時下年輕人對呢座紀念碑背後果段可歌可泣嘅歷史了解唔多，但相信上咗年紀嘅長輩，都唔會忘記當年中國人奮起抵抗外敵嘅英勇事蹟。88年前嘅今日，日軍喺中國東北打響咗侵華第一槍；1941年香港淪陷、隨之而嚟嘅係長達三年零八個月嘅日佔時期。當時廣東人民抗日游擊隊東江縱隊成立東江縱隊港九大隊，喺香港展開打擊日軍嘅游擊戰，因為當時唔少游擊隊員都住喺烏蛟騰村，所以呢度亦都成為東江縱隊嘅重要基地。

其後該村遭到日軍圍攻，據載1942年農曆8月16日，日軍包圍烏蛟騰，強逼村民繳械並供出游擊隊員的身份，當時村長李國藩與村民寧死不屈，終被日軍折磨致死。直到後嚟香港重光，村民為咗緬懷犧牲烈士，於是喺烏蛟騰樹立起呢座紀念碑。時至今日，呢度亦都係香港唯一一個國家級嘅抗戰紀念設施。

埋沒良知的「表達訴求」

囍雨覺得我哋作為後代，當大家了解過呢段不應忘卻嘅歷史之後，正常人都會更加明白和平盛世嘅來之不易，亦會更加珍惜先輩們以生命、鮮血保衛嘅呢個家園。但今時今日竟然有一班暴徒為咗發洩佢哋嘅不滿、表達所謂「訴求」，連一個承載民族歷史嘅莊嚴之地都要破壞，請問大家又可唔可以接受呢？囍雨就覺得呢種連基本尊重都冇、泯滅人性嘅行為簡直人神共憤，必須嚴懲！尤其係有人仲喺紀念碑噴寫「反送中列士」等字眼，更加令人氣憤難當，囍雨要講，呢班暴徒簡直無恥！

囍雨一向同意有不滿可以和平表達，但絕對唔代表為咗發洩不滿就可以為所欲為、無法無天。過去呢段時間大家都有眼睇，就係一班反政府暴徒為咗發洩一己私憤到處破壞、縱火，成個香港就嚟被佢哋打爛嗮；依家仲過分，連先賢、烈士都要成為佢哋嘅目標、都要侮辱，囍雨要請大家睇清楚，原來呢班人為咗自己嘅目的，可以連基本良知都埋沒，大家係咪仲要忍落去？講到呢到，囍雨仲必須提下大家，到依家為止，幕後果班盲反派連半句都冇譴責過暴徒暴力㗎！

原圖：陳克勤Facebook

請Follow我們的YouTube頻道：https://bit.ly/2kgU8qg

下載我們的手機應用程式，收看第一手精彩內容：https://www.speakout.hk/app