今日喺網上，有人以「803行動」嘅名義，喺本港多份報章登廣告，懸紅緝拿六月以嚟本港多宗違法同暴力事件嘅疑犯，該網頁表示行動來自「社會各界，他們是在8月3日『拋國旗落海事件』後，才決定為迄今以來多宗事件懸紅緝兇，強調所有懸紅賞金均來自民間，日後還會眾籌」；簡而言之，就係為咗止暴制亂，社會上有心人決定「自掏銀包」，都要將相關暴徒緝拿歸案。囍雨就覺得，香港亂局依家仲係有「一發不打收拾」嘅跡象，喺非常時期，確實需要用上「非常手段」，令暴徒繩之於法，令社會重回正軌。

自六月起 暴力事件不絕

事實上，自從6月9日以嚟，暴徒暴力無日無之，沾污、損毀國旗、國徽、區徽，衝擊、破壞立法會以至其他建築物，暴力襲擊警察、平民，甚至縱火、掟汽油彈等等，每一單暴行都睇到人矚目驚心、義憤填膺。但不幸嘅係，一班暴徒幾乎每次行事都戴晒面罩、眼罩同頭盔，令執法人員要追查施暴者、難度極高；所以「803行動」嘅出現，絕對係一個好時機，令熱心市民有機會挺身舉報暴徒，情況同一般刑事案件嘅懸紅手法類同，就係想大家舉報罪犯，被捕者及後要在法庭答辯，報料人就可以獲得全數或部分賞金。

包括元朗暴力事件

值得留意嘅係，呢個「803行動」，所針對嘅絕對不止於個別暴力事件，「行動」連「721元朗衝突」以至「811尖沙咀傷眼事件」，都喺懸紅之列；即係話，「803行動」係不分立場、顏色，只要有人願意報料，而資料令罪犯落網後受「滿意檢控」（即被告上法庭），報料人就可以全數或者按比例分配賞金，童叟無欺。

喺呢度，囍雨想呼籲大家，如果大家眼見暴力事件，又考慮緊係咪要挺身而出，「803行動」就係一個平台，令大家放心舉報；據報報料者身份絕對保密，並有專業團隊負責跟進。如果你有料喺手，而資料又涉及「803行動」嘅「案件之列」，可以登入「803懸紅報料網」（ 網址：https://803.hk ）提供資料，一齊為止暴制亂，出一分力！ 

原圖：文匯報