反修例風波發展到今日，唔同嘅消息真真假假，有時根本好難區分，甚至根本分辨唔到，尤其係某啲政客所講嘅一啲所謂消息，就更加唔知信唔信好！好似出咗名鍾意玩政治炒作、抹黑嘅民主黨立法會議員林卓廷，最近就喺社交平台話有兩個手足返咗內地俾人「扣住」返唔到香港（據報其中一個已經回港），廣男當然唔敢講林卓廷係咪講大話，但見到林卓廷放出呢啲消息，廣男第一個反應就係，「真的嗎？」，事件會唔會係釘書健事件翻版先？

相信還是不相信林卓廷

對於林卓廷出嚟講「手足」被扣查或者返唔到香港，廣男即刻諗起，果時佢嘅黨友林子健同佢一齊出嚟開記者會，林子健聲稱自己俾內哋人員擄走、虐待，搞完一場場大龍鳳，原來單嘢最後被發現係林子健「自編自導自演」，而林卓廷等人就係「幫兇」。所以當林卓廷又再講「內地黑暗一面」嘅時候，大家正常嘅反應，當然會問「係真唔係呀？」

倘若林卓廷所言非虛，咁大家又要問林卓廷幾個問題，第一就係所謂「手足」，到底係咩人，同林卓廷有咩關係；大家都知道有林卓廷前黨友「退黨」嘅時候，直斥林卓廷「人格卑劣，毫無政治道德」，當時有接近60個民主黨新界東人「出走」，眾叛親離嘅林卓廷仲有咩「手足」，啲「手足」係邊位呢？

另一個問題，就係林卓廷話要啲手足「平安回港」，廣男又想問下林卓廷，佢哋班盲反派人事成日話「內地司法有問題，咁林卓廷有咩方法「救」佢啲「手足」呢？係依法跟進，定係想「走後門」，所以講到啲嘢神神秘秘，好低調咁款呢？最重要嘅問題，係林卓廷啲「手足」到底因咩事被扣留或者不獲准回港？係咪涉嫌犯咗內地法律，定係有咩不可告人嘅秘密？對於呢啲問題，其實大家都唔知咩事，而只係能夠睇到林卓廷喺社交平台「講啲唔講啲」！

林卓廷親自上去救人？

仲有，廣男有樣嘢真係好想知道，就係依家「手足」有事，林卓廷當初願意陪林子健一齊「作故仔」，佢今日稱「手足」有事，佢會唔會親自去內地「救人」呢？如果佢唔肯嘅話，但又同人講果啲係「手足」，真係無乜說服力可言。每當盲反派人士喺香港以外地方有事，盲反派都會擺出一副「要救人」嘅姿態，但大家睇下仲喺日本被扣留緊嘅郭紹傑同嚴敏華，大概就知道，盲反派政客所謂「救人」，可能只係「用把口救」；實際行動呢？如果自己都會有麻煩，可能佢哋就會自我噤聲架喇！

原圖：stheadline