日前廉政公署同律政司發表聲明，表明唔會因為UGL協議檢控全國政協副主席、前特首梁振英，正正式式還咗梁振英一個清白。偏偏盲反派班政客「死咬唔放」，一時話UGL事件仲係好有可疑，甚至質疑律政司「放生」梁振英。今日囍雨睇新聞，見到前中策組顧問劉細良撰文，聲稱「放生」梁振英「彰顯三權合作新時代」。囍雨覺得劉細良想老屈梁振英有罪之外，基本上劉細良係連律政司、廉署以至香港法治都想詆毀埋；其實佢講咁多嘢，都係想無視律政司、廉署決定，繼續攻訐、人格謀殺清清白白嘅梁振英啫！

用所謂消息「謀殺」梁振英

劉細良呢篇題為「放生689彰顯三權合作新時代」嘅文章，佈滿陣陣「疑雲」，例如佢喺內文話「據內部消息」，果時廉署行動處前處長李寶蘭就係因為不肯為UGL結案而「被辭職」，仲話邱樹春由署任正式坐正廉署行動處阿頭，「可能」在起訴梁振英一事廉署已經妥協，願意在「三權合作」下繼續履行任務。劉細良講到廉署因為「政治任務」、「三權合作」咁而決定唔檢控梁振英，大家只需要問劉細良一句，證據呢？乜「消息指」、「可能」就係證據，呢啲所謂評論，係基於事實，定係基於揣測，劉細良應該心知肚明。

另一個例子，就係劉細良話公職人員行為失當證據搜證容易，只要梁振英一直未向行會申報，就已經表證成立。其實特區政府甚至律政司都作出過類似聲明，就係梁振英根本唔駛就佢成為特首前同UGL所簽訂嘅離職協議作出申報；而且梁振英喺做特首前同UGL簽訂離職協議，表明唔可以有利益衝突、喺特首任內從來冇就UGL業務參與過任何決定，根本冇就利益衝突，請問要申報咩呢？劉細良似乎連基本事實都未搞清楚喎！

侮辱廉署 踐踏法治

老實講，劉細良話UGL案係先有結論才去決定點做，又稱事件因為政治考慮而「一直拖延」，佢除咗係攻訐已經被還一個清白嘅梁振英，其實佢根本就係喺度侮辱廉署、律政司，甚至係踐踏法治！大家諗下，廉署查完一件案除咗要將相關資料、理據交畀律政司，廉署仲要將啲資料Pass畀監察廉署調查貪污舉報嘅「審查貪污舉報諮詢委員會」；一個個咁嚴謹嘅調查、審查、最後檢視嘅程序，點樣係劉細良所講嘅「三權合作」呢？劉細良以至盲反派近日係咁出口術，係咪要廉署、律政司控告無辜人士，先叫法治呢？

一言以蔽之，劉細良以至其他盲反派人士喺廉署、律政司都已經有決定仲要係咁攻訐梁振英，當中原因其實唔難理解；作為凡事必反、「以保聲威」嘅盲反派，如果少一單嘢畀佢哋炒作，就少一事可以令到市民記得佢哋「有做嘢」，而梁振英訴來都係盲反派嘅攻訐對象，如果UGL事件佢哋唔能夠炒作落去，佢哋又點可以喺市民尤其係盲反派支持者面前擦「存在感」呢？不過凡事有利必有弊，佢哋越係無理炒作，越顯得佢哋唔相信甚至唔尊重法治，如果廉署、律政司明知證據不足而礙於政客壓力而要起訴梁振英，咁就真係無法無天喇！

原圖：RTHK

相關評論文章連結：

廉署還振英清白 足證林卓廷卑劣-港人講地 https://speakout.hk/%E6%B8%AF%E4%BA%BA%E5%8D%9A%E8%A9%95/40535

四年的屈辱 廉署還CY清白-港人講地 https://speakout.hk/%E6%B8%AF%E4%BA%BA%E8%A7%80%E9%BB%9E/40532

有利益就違法？跟公民黨查錫我商榷-港人講地 https://speakout.hk/%E6%B8%AF%E4%BA%BA%E5%8D%9A%E8%A9%95/40602 

【小心誹謗】「放生」梁振英？《生果報》小心誹謗啊！-港人講地 https://speakout.hk/%E6%B8%AF%E4%BA%BA%E8%A7%80%E9%BB%9E/40552

【鐵筆錚錚】兩名不合格的「前」廉署調查主任-港人講地 https://speakout.hk/%E6%B8%AF%E4%BA%BA%E8%A7%80%E9%BB%9E/40553

【諸行無常】廉署還梁振英清白 《生果報》繼續人格謀殺？-港人講地 https://speakout.hk/%E6%B8%AF%E4%BA%BA%E8%A7%80%E9%BB%9E/40564

相關新聞連結：

【還CY清白】梁振英UGL案 律政司認為證據不確立 決定不檢控 廉署結案-港人講地 https://speakout.hk/%E7%84%A6%E9%BB%9E%E6%96%B0%E8%81%9E/40524

【還CY清白】律政司詳細解釋UGL案結案理據：完全建基於證據不確立、證據不足、沒有利益衝突-港人講地 https://speakout.hk/%E7%84%A6%E9%BB%9E%E6%96%B0%E8%81%9E/40530 

【真憑實據】 林卓廷赴英「做騷」 梁振英亮鐵證完美反擊：英國NCA來函已決定無足夠證據調查UGL-港人講地 https://speakout.hk/%E7%84%A6%E9%BB%9E%E6%96%B0%E8%81%9E/37732

【死不悔改！炒作可恥！】林卓廷：首次收到NCA不再調查事件的相關通知-港人講地 https://speakout.hk/%E7%84%A6%E9%BB%9E%E6%96%B0%E8%81%9E/37740

【政治炒作】英三部門不查UGL 林卓廷稱天涯海角追查梁振英-港人講地 https://speakout.hk/%E6%B8%AF%E4%BA%BA%E8%8A%B1%E7%94%9F/37774

【完美KO】NCA調查結果狠摑林卓廷一巴 證梁振英沒違英國法律 將研究在英起訴林卓廷-港人講地 https://speakout.hk/%E7%84%A6%E9%BB%9E%E6%96%B0%E8%81%9E/37793