香港嘅政治光譜一向比較窄，基本上都只係分為建制、盲反兩派，而盲反派素來雖然以「民主派」自居，但廣男成日覺得呢班人根本就唔民主，例如立法會選舉嘅時候會用計迫啲「同路人」退選，又或者補選果時定出初選機制，但最後用唔同方法迫啲Plan B退出。最近，廣男又睇到單新聞，話民主黨嘅青年組織「民主青年」洪寶華宣布退黨，仲指「民主青年」雖然對外宣稱獨立運作，但事實就並非如此，民主黨會推翻「民主青年」通過嘅項目。其實民主黨黑箱作業、「大佬文化」或者唔民主，都唔係今日嘅事嚟喇，有成員要「退黨保平安」，都非常合理。

表面獨立 實則受黨內大佬影響？

根據傳媒報道，「民主青年」主席洪寶華日前正式宣布退出民主黨同「民主青年」，並且辭埋「民主青年」主席一職；洪寶華就喺聲明表示，「民主青年」一直向外宣稱獨立運作，但實情並非如此，提到「民主青年」常委通過嘅項目，會畀民主黨嘅中委會同財委會推翻，佢又直指呢啲就係「外界一直形容嘅『大佬文化』」，令佢對民主黨完全失望，唔值得留戀云云。

其實，民主黨裡面充斥住「大佬文化」，基本上都唔係咩新聞嚟架喇，今次洪寶華對民主黨最大嘅指控，廣男覺得就係民主黨如果真係對外聲稱「民主青年」係獨立運作，但原來完全係由民主黨班「大佬」所控制，咁民主黨即係「呃人」啫，呢個都係相當嚴重嘅指控嚟喎，民主黨係咪應該向公眾清楚交待事件呢？如果好似胡志偉咁話「未掌握事件」，咁算唔算係默認洪寶華嘅指控呢？

民主黨黑箱作業「是常識吧」

如果洪寶華所言屬實，民主黨根本只係完全畀一班「大佬」所操控、大玩黑箱作業，又令廣男即刻諗起許智峯事件；幾個月前發生許智峯喺立法會強搶女政府人員手機案件，當時民主黨都話佢哋嘅紀律聆訊委員會喺短時間內啟動對許智峯嘅調查架，最後點呢？最後咪高高舉起、輕輕放下事件，話等司法程序完咗先算囉！如果要等司法程序完晒民主黨先調查，咁當初佢哋又為乜要走出嚟鞠躬道歉呢？道得歉即係知許智峯「衰咗」啦，民主黨班大哥決定唔紀律聆訊許智峯，講到尾又係為咗保住議席啫！曾經風光一時嘅民主黨，而家有人話佢係「偷呃拐騙」黨，有年青骨幹要退黨，實在合理不過。 

原圖：Takungpao