最近睇國際新聞，美國有一名女兵，因為宣誓嘅時候戴住隻恐龍公仔，結果被指唔尊重場合要「革職」；嗱嗱嗱，事實又再一次證明，宣誓玩嘢被DQ根本就係國際標準嚟，之前有幾個香港立法會議員因為「宣誓玩嘢」，結果被法院取消議員資格（DQ）。其實當做公職嘅人連宣誓格式都唔跟或者連儀式都唔尊重，畀人DQ亦係咎由自取，呢個機本上都係國際標準，但呢班人一時又話自己宣誓冇問題，一時又話自己係民意代表唔可以DQ佢哋，總知佢哋就大晒啦！

美國女兵手戴公仔宣誓遭革職

話說美國一個隸屬田納西州嘅女兵，本來準備宣誓、重新入伍，但佢宣誓果時右手就戴住隻恐龍公仔，呢段片段之後畀人上載到社交網站，跟住有大批軍人、網民都猛烈批評佢唔尊重場合，最後軍方發表聲明話對事件感到尷尬，認為宣誓儀式不單只象徵對國家嘅承擔，亦係對其他現役同退役軍人致敬；由於果位女兵嘅行為違反宣誓嘅初衷，所以決定革除佢職務，即係DQ佢，仲會對佢採取其他行政措施。

除左個女兵被DQ之外，據報連負責監誓嘅上校都被勒令退役，而拍攝果條片啲軍士就被被暫停職務同埋被訓斥。由呢件事可見，要尊重宣誓儀式唔止喺香港好重要，就算係盲反派非常尊崇嘅西方國家例如美國，如果有人宣誓果時玩嘢，後果一樣好嚴重，唔知盲反派班人睇到呢單新聞，又會有咩反應呢？

認真宣誓 應有之義

其實，尊重宣誓、誓詞，並唔係話一個儀式咁簡單，因為宣誓所代表嘅，就係對國家、特區以至市民嘅一份承擔，如果有人連宣誓都唔願意做好佢，咁其他人又點信服呢個人或者呢班人係真心效忠特區同擁護《基本法》？再者，接照法例要求宣誓，一早已經寫明喺香港法例上面，所有參選立法會嘅人都應該知道，仲有唔好唔記得，喺班「前」議員宣誓玩嘢前一日，特區政府特登發一個聲明，講清楚宣誓嘅要求同法理依據，呢班人咁都要玩嘢，兩個字：抵死。

今次美國有女兵被DQ，足證言論、表達自由唔係大晒，唔尊重宣誓，就極可能被DQ，呢個國際標準，盲反派應該多啲留意下，警剔下自己喇！

原圖：網絡影片截圖