仲有唔夠兩個禮拜就係立法會補選，好多候選人都開始造勢、加強街站等宣傳，喺呢個政治大於一切，甚至乎勝過真理嘅時代，基本上我哋都可以從中睇到好多荒謬嘅言論；好似噚日咁，代表盲反派喺九龍西參與補選嘅姚松炎就喺黃埔擺街站，有唔少盲反派人士都出席撐場，其中民主黨立法會議員林卓廷就盛讚姚松炎係土地問題專家，而佢嘅黨友黃碧雲亦吹捧對方「能力卓越」，希望佢重返議會咁話。對於呢啲讚賞，老老實實，實在令難人難以苟同，全因姚松炎呢個所謂專家，以往經常「亂噏當秘笈」，以往發表嘅所謂土地分析，更不時被人揭發係「流料」，認真好笑！

宣誓玩嘢被DQ

首先，囍雨喺度先要Recap一下，姚松炎本來喺2016年成功當選為建築測量界嘅立法會議員，不過佢自己唔珍惜議席，明明政府喺宣誓前一日已經發聲明提醒候任立法會議員要依法宣誓，但佢同幾個盲反派政客偏偏就要喺宣誓時「玩嘢」，結果就畀法庭判決為宣誓無效。其實佢自己搞事搞到議席都無埋，囍雨就覺得如果係咁唔珍惜議席嘅話，咁唔該就唔好再選，留返畀其他有心有力嘅人啦！

土地專家 還是老作專家？

至於專門攻訐、抹黑其他人嘅盲反政客林卓廷話姚松炎係「土地問題專家」，囍雨覺得更加係得啖笑；囍雨一直留意立法會新聞，正確嚟講，姚松炎似係「老作專家」多過學者專囉！好似佢曾經話2047年係香港嘅「土地大限」，質疑邊個話一定會自動續租，又問地租係咪有機會係1000%，變相補足地價，搞到連時任發展局局長陳茂波急急澄清，話特區政府其實早已批出期限超逾2047年嘅土地，政府亦可以酌情免補地價，而只須繳納租金，款額相當於有關土地應課差餉租值嘅3%，用事實摑到姚松炎塊面「啪啪聲」！

姚松炎係「老作專家」嘅例子，又點止一個咁少吖；好似錯有傳媒報道、佢自己亦未錯否認，佢曾經話地政總署幾年前改變合作社補地價的方式，令合作社因為「新計法」唔能夠重建云云；跟住搞到政府發言人又要公開發聲明，話有關說法唔係基於客觀事實，因為政府根本冇改過補地價方式，對政府嘅批評有欠公允。　

難怪有人話，林卓廷勝在臉皮厚，借「前廉署助理調查員」個名唔知抽乾咗幾多廉署嘅水，屈人唔會臉紅，而家夾硬撐姚松炎，臉不改容，厲害！

2018年立法會補選九龍西選區候選人還有鄭泳舜、蔡東洲

原圖：RTHK